ជីវិតកម្សាន្ដ

Kim Soo-hyun នៅតែជាតារាមានឥទ្ធិពលបំផុតរបស់កូរ៉េ ទោះកំពុងផ្ទុករឿងអាស្រូវក្ដី

បានផុស

១ នាទីute មុន

នៅ

ថ្ងៃសៅរ៍ ៣ ឧសភា ២០២៥

ដោយ

តារាសម្តែង Kim Soo-hyun បានពង្រឹងឋានៈរបស់គាត់ក្នុងនាមជាតារាដែលមានឥទ្ធិពលបំផុតរបស់កូរ៉េ ដោយឈរនៅលើកំពូលតារាងតម្លៃម៉ាកយីហោ Big Data Actor សប្តាហ៍ទី ១៧ ជាមួយនឹងពិន្ទុ ១៣៦,៩៨៧ គួរឲ្យចាប់អារម្មណ៍។ បើទោះបីជាពេលនេះ លោកកំពុងមានមានរឿងអាស្រូវស្នេហា និងប្រឈមបណ្តឹងទារសំណងរាប់លានដុល្លារ ពីក្រុមហ៊ុនផ្សាយពាណិជ្ជកម្មក្ដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិន្ទុទាំងនោះបានឆ្លុះបញ្ចាំងពីភាពលេចធ្លោរបស់តារាប្រុសវ័យ៣៧ឆ្នាំ នៅទូទាំងរង្វាស់ជាច្រើន រួមទាំងអ្នកអានអត្ថបទ ការណែនាំរបស់អ្នកអាន មតិយោបល់ ការចូលចិត្ត ការបោះឆ្នោតម៉ាកយីហោ និងការឧបត្ថម្ភអត្ថបទ។ ចំណាត់ថ្នាក់លេខ១ របស់គាត់ក៏បានបង្ហាញពីភាពទាក់ទាញដ៏យូរអង្វែង និងទំនាក់ទំនងផ្លូវចិត្តដ៏រឹងមាំ ដែលគាត់បានចែករំលែកជាមួយអ្នកគាំទ្រ និងសាធារណជនទូទៅ។

មកដល់ទី២ គឺតារាសម្ដែងស្រី Kim Hye-yoon ដែលទទួលបាន ១២១ ៨៩៦ ពិន្ទុ។ ទោះបីជាពិន្ទុរបស់នាងធ្លាក់ចុះបន្តិចបើធៀបនឹងសប្តាហ៍មុនក៏ដោយ ប៉ុន្តែការចូលរួមជាប់លាប់ និងភាពស្មោះត្រង់របស់អ្នកគាំទ្រខ្ពស់បានរក្សានាងយ៉ាងរឹងមាំនៅក្នុងចំណាត់ថ្នាក់កំពូល។ ទន្ទឹមនឹងនេះដែរ តារាដែលកំពុងទទួលបានការគាំទ្រមានដូចជា លោក Byeon Woo-seok ទទួលបានចំណាត់ថ្នាក់លេខ ៣ ជាមួយនឹង ៧៧,០៥៨ ពិន្ទុ ដែលបង្ហាញពីការចាប់អារម្មណ៍ពីសាធារណជន និងការកើនឡើងពីមួយសប្តាហ៍ទៅមួយសប្តាហ៍។

មិនតែប៉ុណ្ណោះ តួឯកកូរ៉េក្នុងរឿង «សង្សារខ្ញុំជាមនុស្សភពផ្កាយ» នៅតែបន្តបង្ហាញថាមពលតារាដែលមិនងាករេរបស់គាត់ ដោយបានឡើងទៅក្នុងចំណាត់ថ្នាក់កំពូលទាំង ៣ នៃការស្ទង់មតិរបស់់ Star Ranking ចុងក្រោយបង្អស់សម្រាប់តារាប្រុស។ តារាសម្តែងទទួលបានចំណាត់ថ្នាក់លេខ ៣ ក្នុងជុំទី ១១០ (សប្តាហ៍ទី ៤ នៃខែមេសា) ដោយទទួលបានការបោះឆ្នោតសរុបចំនួន ១១,5៥៤៦ ដែលជាការលោតផ្លោះដ៏ធំមួយពីតំណែងលេខ ៧ មុនរបស់គាត់។

រយៈពេលបោះឆ្នោតចាប់ពីថ្ងៃទី ២៤ ខែមេសា វេលាម៉ោង ៣:០១ រសៀល ដល់ថ្ងៃទី ១ ឧសភា វេលាម៉ោង ៣:០០ រសៀល ។ នៅក្នុងជុំមុន (១០៩) Kim Nam-gil បានឈរនៅលំដាប់ទី ៣ ខណៈដែល Kim Soo-hyun ទទួលបានត្រឹមតែ ៥៤០ សម្លេងប៉ុណ្ណោះ។

ទោះជាយ៉ាងណាក៏ដោយ ដោយសារតែការកើនឡើងនៃការគាំទ្រភ្លាមៗ Kim Soo-hyun បានត្រលប់មកវិញដ៏គួរឲ្យកត់សម្គាល់ ដោយធ្វើឲ្យKim Nam-gil ផ្លាស់ពីតំណែង និងទទួលបានតំណែងក្នុងចំណាត់ថ្នាក់កំពូល។

Star Ranking គឺជាវេទិកាបោះឆ្នោតគាំទ្រប្រកួតប្រជែង ដែលអ្នកគាំទ្របោះឆ្នោតឲ្យតារាដែលពួកគេចូលចិត្តប្រចាំសប្តាហ៍។ ចំណាត់ថ្នាក់រួមមានអត្ថប្រយោជន៍ដូចជាវិញ្ញាបនបត្រឌីជីថលសម្រាប់អ្នកចូលរួម និងការផ្សាយពាណិជ្ជកម្មផ្ទាំងប៉ាណូខាងក្រៅសម្រាប់តារាកំពូល ជាពិសេសអ្នកដែលរក្សាចំណាត់ថ្នាក់ទី១ សម្រាប់រយៈពេលបួនសប្តាហ៍ជាប់គ្នា។ រង្វាន់ទាំងនេះផ្តល់ឲ្យអ្នកគាំទ្រនូវឱកាសពិសេសៗដើម្បីគាំទ្រ និងផ្សព្វផ្សាយជាសាធារណៈនូវអាយដលរបស់ពួកគេ។

ការកើនឡើងយ៉ាងខ្លាំងរបស់ Kim Soo-hyun កើតឡើងនៅពេលដែលគាត់បន្តរក្សាប្រជាប្រិយភាពយ៉ាងខ្លាំងតាមរយៈគម្រោងបច្ចុប្បន្នរបស់គាត់ និងអ្នកគាំទ្រដ៏ស្មោះត្រង់ សូម្បីតែចំពេលមានការរំខានពីប្រព័ន្ធផ្សព្វផ្សាយនិងរឿងអាស្រូវមិនទាន់ដោះស្រាយចេញ ព្រមទាំងឈ្មោះប្រកួតប្រជែងដូចជាតារាប្រុស Kim Nam-gil ក៏ដោយ។

សមត្ថភាពរបស់គាត់ក្នុងការលោតបានបួនចំណុចក្នុងមួយសប្តាហ៍ បានគូសបញ្ជាក់ពីភាពធន់ អត់ធ្មត់ និងការលះបង់នៃ fandom របស់គាត់ ហើយថែមទាំងពង្រឹងកន្លែងក្នុងនាមជាតារាសម្ដែងឲ្យនៅឈរក្នុងលំដាប់កំពូលម្នាក់របស់កូរ៉េដដែល៕