ព័ត៌មានអន្ដរជាតិ

មរណភាពជំនិតលោកត្រាំ ក្លាយជាវេទិកាវាយប្រហារគ្នា រវាងតារាអាមេរិក និង កូរ៉េ

បានផុស

១០ ខែ មុន

នៅ

ថ្ងៃពុធ ១៧ កញ្ញា ២០២៥

ដោយ

កាលពីថ្ងៃទី១០ ខែកញ្ញា លោក Charlie Kirk ដែលជាសម្ព័ន្ធមិត្តជិតស្និទ្ធរបស់ប្រធានាធិបតីអាមេរិកលោក ដូណាល់ ត្រាំ ត្រូវខ្មាន់កាំភ្លើងបាញ់សម្លាប់កាលពីសប្តាហ៍មុន ពេលកំពុងនិយាយនៅក្នុងព្រឹត្តិការណ៍ American Comeback នៅសាកលវិទ្យាល័យ Utah Valley ក្នុងរដ្ឋ Utah សហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការធ្វើឃាតបានធ្វើឲ្យកក្រើកពេញសហរដ្ឋអាមេរិក ស្របពេលដែកតារាល្បីៗជាច្រើនដូចជា Jimmy Kimmel, Stephen Colbert, Russell Brand, Barack Obama, Chris Pratt, Morgan Wallen ជាដើម បាននិយាយប្រឆាំងនឹងអំពើហិង្សាផ្នែកនយោបាយ ខណៈពេលដែលពួកគេសម្តែងនូវទុក្ខសោក និងផ្ញើសាររំលែកទុក្ខដល់គ្រួសារជនរងគ្រោះយ៉ាងច្រើនអនេក។

ថ្វីដ្បិតតែយ៉ាងនេះក្ដី ការចូលរួមរំលែកទុក្ខរបស់តារាហូលីវូដប៉ុន្មានរូបនោះ បានក្លាយជារឿងមួយដែលមហាជនជាច្រើនរិះគន់យ៉ាងខ្លាំង។ អ្នកលេងអ៊ីនធឺណិតជាច្រើនបានថ្កោលទោសដល់សិល្បករ ចំពោះការព្រងើយកន្តើយការស្លាប់របស់អ្នកដទៃ តែបែរជាលើកកម្ពស់អាកប្បកិរិយាឧក្រិដ្ឋកម្ម។

ភាពចម្រូងចម្រាសទាក់ទងនឹងការស្លាប់របស់ Charlie Kirk មិនបានបញ្ឈប់នៅត្រឹមសហរដ្ឋអាមេរិកនោះទេ ប៉ុន្តែក៏បានរីករាលដាលដល់ប្រទេសកូរ៉េផងដែរ។ តារាល្បីៗជាច្រើនដែលបានចូលរួមរំលែកទុក្ខចំពោះបុរសដែលជំនិត លោកត្រាំ តែបែរជាក្លាយជាគោលដៅនៃការវាយប្រហារពីសំណាក់អ្នកលេងអ៊ីនធឺណិត។

យោងតាមសារព័ត៌មាន Korea JoongAng Daily មានតារាកូរ៉េជាច្រើនបានសម្រុកចូលរួមរំលែកទុក្ខដល់សម្ព័ន្ធមិត្តជិតស្និទ្ធរបស់លោក ដូណាល់ ត្រាំ នៅក្នុងនោះមានសិល្បករជួរមុខដូចជា៖ Choi Siwon ក្រុម Super Junior, តារាសម្តែង Jin Seo Yeon និងYouTuber ដ៏ល្បីល្បាញ Haejoo។

អ្នកគាំទ្រ Kpop មួយចំនួនបានបញ្ចេញមតិថា នេះមិនត្រឹមតែជាការរំលែកទុក្ខប៉ុណ្ណោះទេ ប៉ុន្តែក៏ជាការគាំទ្រសាធារណៈចំពោះលោក Kirk ក៏ដូចជាទស្សនៈនយោបាយដ៏ចម្រូងចម្រាសរបស់គាត់ផងដែរ។

យ៉ាងណាមិញ ផ្ទុយពីមតិរបសតារាល្បីទាំងនៅអាមេរិកនិងកូរ៉េ ទស្សនិកជនជាច្រើនដែលមិនពេញការចូលរួមរំលែកទុកនេះគឺដោយតែ Charlie Kirk គឺជាសកម្មជននយោបាយស្តាំនិយមអាមេរិក អ្នកនិពន្ធ និងបុគ្គលិកលក្ខណៈប្រព័ន្ធផ្សព្វផ្សាយ។ ក្នុងអំឡុងពេលនៃជីវិតរបស់គាត់គឺជាសហស្ថាបនិក និងជានាយកប្រតិបត្តិនៃអង្គការអភិរក្សនិយម Turning Point USA (TPUSA) ក្នុងឆ្នាំ ២០១២។

លើសពីនេះទៀត លោកមានទំនោរនិយាយប្រឆាំងយ៉ាងខ្លាំងចំពោះការរំលូតកូន សិទ្ធិប្រើប្រាស់កាំភ្លើង ជំហរប្រឆាំងនឹងអ្នកប្តូរភេទ និងបានធ្វើសេចក្តីថ្លែងការណ៍ជាច្រើនដែលត្រូវបានចាត់ទុកថាមានការបែកបាក់លើយេនឌ័រ ពូជសាសន៍ និងសាសនា។ គាត់គឺជាមនុស្សដែលប្រឆាំងពេក ដែលតំណាងឲ្យទស្សនៈគេចាត់ទុកថាហួសហេតុ និងផ្ទុយទៅនឹងវឌ្ឍនភាពសង្គម៕