ព័ត៌មានអន្ដរជាតិ

កូរ៉េខាងត្បូង គ្រោងសាងសង់លេណដ្ឋាន មានសមត្ថភាពទប់ទល់ការវាយប្រហារនុយក្លេអ៊ែរ

បានផុស

៩ ខែ មុន

នៅ

ថ្ងៃចន្ទ ១៣ តុលា ២០២៥

ដោយ

ប្រទេសកូរ៉េខាងត្បូង គ្រោងនឹងសាងសង់លេណដ្ឋានពារជនស៊ីវិល ដែលមានសមត្ថភាពទប់ទល់នឹងការវាយប្រហារនុយក្លេអ៊ែរ និងគីមី ជីវសាស្ត្រ និងវិទ្យុសកម្ម (CBR) នៅក្រោមអគារលំនៅដ្ឋានសាធារណៈមួយក្នុងសង្កាត់ Songpa ភាគខាងត្បូងទីក្រុងសេអ៊ូល។ នេះបើតាមការចុះផ្សាយនៅថ្ងៃទី១៣ ខែតុលា ឆ្នាំ២០២៥ ដោយសារព័ត៌មាន koreaherald។

រូបភាពនៃអគារលំនៅដ្ឋានសាធារណៈដែលនឹងត្រូវសាងសង់នៅទីក្រុង Garak-dong, Songpa-gu, ទីក្រុងសេអ៊ូល នៅឆ្នាំ ២០២៨ ដែលនឹងដាក់លេណដ្ឋានក្រោមដី មានកន្លែងការពារនុយក្លេអ៊ែរ។ (រូបភាព៖Seoul Metropolitan Government)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលទីក្រុងសេអ៊ូល និងសាជីវកម្មអភិវឌ្ឍន៍លំនៅឋាន គ្រោងនឹងសាងសង់អគារនៅជាន់ក្រោមទី៣ នៃអគារលំនៅដ្ឋានសាធារណៈការច្នៃប្រឌិត Songpa ដែលកំពុងត្រូវបានអភិវឌ្ឍនៅលើទីតាំងអតីតមជ្ឈមណ្ឌលឃុំឃាំង Seongdong ក្នុងតំបន់ Garak-dong ស្រុក Songpa ។

តំបន់ភៀសខ្លួននេះនឹងគ្របដណ្តប់នៅលើផ្ទៃដី ២,១៤៧ ម៉ែត្រការ៉េ (២៣,១១២ ហ្វីតការ៉េ) និងត្រូវបានរចនាឡើងដើម្បីផ្ទុកមនុស្សរហូតដល់ ១,០២០ នាក់ សម្រាប់រយៈពេល ១៤ ថ្ងៃក្នុងករណីមានការវាយប្រហារនុយក្លេអ៊ែរ ជីវសាស្ត្រ ឬគីមីពីខាងក្រៅ ។ គ្រឿងបរិក្ខារនេះនឹងរួមបញ្ចូលតំបន់ស្អាត តំបន់គ្មានមេរោគ បន្ទប់មេកានិចស្អាត ប្រព័ន្ធផ្គត់ផ្គង់ទឹក និងឧបករណ៍អនាម័យ។

នេះជាលើកទីមួយហើយដែលរដ្ឋាភិបាលក្នុងតំបន់ក្នុងប្រទេសកូរ៉េ បានសាងសង់លេណដ្ឋានការពារស៊ីវិល ដោយឯករាជ្យដែលមានសមត្ថភាពការពារនុយក្លេអ៊ែរ។ ទីក្រុងមានគោលបំណងបញ្ចប់គម្រោងនៅឆ្នាំ ២០២៨ ខណៈពេលនេះកំពុងតែចាប់ផ្តើមដំណាក់កាលរចនានូវឡើយ។ ការសាងសង់ត្រូវបានគេរំពឹងថា នឹងចំណាយអស់ប្រហែល ៣.៤ ពាន់លានវ៉ុន (២.៤ លានដុល្លារ)។

ដោយសារតែ ការបង្កើនការគំរាមកំហែងផ្នែកយោធាពីប្រទេសកូរ៉េខាងជើង និងអស្ថិរភាពសន្តិសុខពិភពលោក រួមទាំងសង្គ្រាមរុស្ស៊ី-អ៊ុយក្រែន ដែលអូសបន្លាយពេលយូរអង្វែង វាត្រូវបានលើកឡើងថា ជាកត្តាសំខាន់នៅពីក្រោយគម្រោងការមួយនេះ។ ទន្ទឹមនោះដែរ លេណដ្ឋាននឹងក្លាយជាជម្រកដំបូង ដែលសាងសង់ដោយរដ្ឋាភិបាលក្នុងតំបន់សម្រាប់ការប្រើប្រាស់ស៊ីវិល ដែលបំពាក់ដោយសមត្ថភាពការពារនុយក្លេអ៊ែរ៕