ព័ត៌មានអន្ដរជាតិ

កូរ៉េខាងត្បូងនិងអារ៉ាប់រួមបង្ហាញគម្រោងក្នុងវិស័យការពារជាតិតម្លៃជាង៣៥ប៊ីលាន

បានផុស

៤ ខែ មុន

នៅ

ថ្ងៃសុក្រ ២៧ កុម្ភៈ ២០២៦

ដោយ

កូរ៉េខាងត្បូងប្រកាសនៅថ្ងៃទី២៦ខែកុម្ភៈថា ប្រទេសកូរ៉េខាងត្បូង និងអេមីរ៉ាតអារ៉ាប់រួម (UAE) បានព្រមព្រៀងគ្នាបន្តគម្រោងនៃកិច្ចសហប្រតិបត្តិការរួមគ្នាមានតម្លៃជាង៦៥ប៊ីលានដុល្លារ រួមទាំងគំនិតផ្តួចផ្តើមលើវិស័យការពារជាតិជាង ៣៥ប៊ីលានដុល្លារ។ នេះបើតាម លោក Kang Hoon-sik ប្រធានសេនាធិការប្រធានាធិបតីកូរ៉េខាងត្បូង។

លោក លោក Kang Hoon-sik និងលោក Mohammed bin Zayed Al Nahyan។ រូបភាព៖ The Cradle

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមគេហទំព័រ The Cradle.co នៅថ្ងៃទី២៦ ខែកុម្ភៈ, លោក Kang ប្រាប់អ្នកយកព័ត៌មានពេលមកដល់អាកាសយានដ្ឋានអន្តរជាតិ Incheonនៃទីក្រុងសេអ៊ូល បន្ទាប់ពីដំណើរទស្សនកិច្ចរបស់លោកទៅកាន់ទីក្រុងអាប៊ូដាប៊ី (Abu Dhabi) ថា៖«ប្រទេសទាំងពីរបានព្រមព្រៀងគ្នាបន្តគម្រោងដែលមានតម្លៃជាង៦៥ប៊ីលានដុល្លារ រួមទាំងវិស័យការពារជាតិចំនួន៣៥ប៊ីលានដុល្លារ និងកិច្ចសហប្រតិបត្តិការវិនិយោគចំនួន៣០ប៊ីលានដុល្លារផងដែរ»។

លោក Kang បានធ្វើដំណើរទៅកាន់ប្រទេសអារ៉ាប់រួមក្នុងនាមជាបេសកជនពិសេសសម្រាប់កិច្ចសហប្រតិបត្តិការសេដ្ឋកិច្ចជាយុទ្ធសាស្ត្រ អំឡុងពេលនោះ ភាគីទាំងពីរបានចុះហត្ថលេខាលើអនុស្សរណៈយោគយល់គ្នា (MoU) ស្តីពីក្របខ័ណ្ឌសហប្រតិបត្តិការលើវិស័យការពារជាតិ។

លោកបន្តថា៖«កញ្ចប់ការពារជាតិចំនួន ៣៥ប៊ីលានដុល្លារនេះ គ្របដណ្តប់លើប្រព័ន្ធការពារដែនអាកាសរួមបញ្ចូលគ្នា កម្លាំងប្រយុទ្ថដែនអាកាសទំនើប និងសមត្ថភាពដែនសមុទ្រ»។

យ៉ាងណា លោកបដិសេធមិនផ្តល់ព័ត៌មានលម្អិតបន្ថែមទាក់ទងហ្នឹងរឿងនេះឡើយដោយហេតុផលសម្រាប់សន្តិសុខប៉ុណ្ណោះ។

លើសពីនេះ ទីក្រុងសេអ៊ូល និងទីក្រុងអាប៊ូដាប៊ី (Abu Dhabi) ប្តេជ្ញាពង្រីកកិច្ចសហប្រតិបត្តិការកម្មវិធីនុយក្លេអ៊ែរស៊ីវិលពេញលេញដោយផ្អែកលើបទពិសោធន៍របស់ពួកគេជាមួយរោងចក្រថាមពលនុយក្លេអ៊ែរ Barakah រួមទាំងការផ្គត់ផ្គង់ឥន្ធនៈនុយក្លេអ៊ែរ សមត្ថភាពថែទាំ និងការអនុវត្តបច្ចេកវិទ្យាបញ្ញាសប្បនិមិត្ត (AI ) ទៅក្នុងប្រតិបត្តិការរោងចក្រ៕

ប្រែសម្រួល៖ ណឺ មិនា