អារ៉ាប់រួម ហាមអ្នកដំណើរមកពី វៀតណាម មិនឲ្យចូលប្រទេស

ប្រទេសអារ៉ាប់រួម បានប្រកាសផ្អាកការចូល របស់អ្នកដំណើរទាំងអស់ដែលជិះយន្តហោះចេញពីប្រទេសវៀតណាម។ ការហាមឃាត់ នឹងអនុវត្តចាប់ពីម៉ោង ១១ និង ៥៩ នាទីយប់ ថ្ងៃទី ៥ មិថុនាទៅ។

អាជ្ញាធរអាកាសចរណ៍ស៊ីវិល និងអាជ្ញាធរជាតិគ្រប់គ្រងវិបត្តិគ្រាអាសន្ននិង គ្រោះមហន្តរាយបានធ្វើការប្រកាសរួមគ្នាបែបនេះ កាលពីថ្ងៃព្រហស្បតិ៍។

បម្រាមនេះ ក៏អនុវត្តផងដែរចំពោះអ្នកដំណើរឆ្លងកាត់។ អ្នកដំណើរឆ្លងកាត់តាមជើងហោះហើរដែលចូលប្រទេសអារ៉ាប់រួម រួចធ្វើដំណើរទៅកាន់ប្រទេសវៀតណាម ត្រូវបានលើកលែង។

កាលពីថ្ងៃសៅរ៍ ទីក្រុងហាណូយបាននិយាយថា ខ្លួនបានរកឃើញវីរុសបំប្លែងខ្លួនប្រភេទថ្មីដែលឆ្លងកាន់តែខ្លាំង។ រដ្ឋមន្រ្តីក្រសួងសុខាភិបាលវៀតណាមលោក ង្វៀន ថាញ់ឡុង អះអាងថា​ វីរុសកូនកាត់ថ្មីនេះ គឺឆ្លងតាមរយៈខ្យល់អាកាស។

ទោះបីជាយ៉ាងណាក៏ដោយ តំណាងអង្គការសុខភាពពិភពលោកប្រចាំនៅប្រទេសវៀតណាមបាននិយាយថា មេរោគនេះ មិនមែនជាវីរុសបំប្លែងខ្លួនប្រភេទថ្មីនោះទេ វាជាផ្នែកនៃវីរុសឥណ្ឌា៕

ប្រែសម្រួល៖ Vann Vann

ប្រភព៖ Khaleej Times

ចុចអាន៖ ខ្លាចកូវីដ! វៀតណាម ហាមមនុស្សមកពី ៤ ប្រទេសមិនឲ្យចូល ក្នុងនោះមាន កម្ពុជា ដែរ