ព័ត៌មានអន្ដរជាតិ
UN ព្រមានពីការស្លាប់ដ៏ច្រើនដោយភាពអត់ឃ្លាននៅមីយ៉ាន់ម៉ា
អ្នករាយការណ៍ពិសេសស្តីពីសិទ្ធិមនុស្សប្រចាំប្រទេសមីយ៉ាន់ម៉ារបស់អង្គការសហប្រជាជាតិបានព្រមពីការស្លាប់យ៉ាងច្រើនសន្ធឹកសន្ធាប់ដោយសារភាពអត់ឃ្លាន និងជំងឺ បន្ទាប់ពីមានការប្រយុទ្ធគ្នារវាងក្រុមឧទ្ទាម និងកម្លាំងយោធានៅភាគខាងកើតប្រទេសរដ្ឋប្រហារនេះ។
យោងតាមឃ្លាំមើលក្នុងស្រុកមួយបានឲ្យដឹងថា មីយ៉ាន់ម៉ាបានធ្លាក់ចូលក្នុងភាពវឹកវរ និងវិបត្តិសេដ្ឋកិច្ចដ៏អាក្រក់ ចាប់តាំងពីរដ្ឋប្រហារខែកុម្ភៈមកដែលបានសម្លាប់មនុស្សជាង៨០០នាក់ហើយ។
ការប្រយុទ្ធគ្នាបានផ្ទុះឡើងនៅតាមសហគមន៍ជាច្រើន ជាពិសេសនៅទីប្រជុំជនដែលត្រូវបានគេមើលឃើញតួលេខស្លាប់ច្រើនដោយសារការបង្ក្រាបរបស់កម្លាំងប៉ូលិស និងមូលដ្ឋានមួយចំនួនដែលបានបង្កើតកម្លាំងការពារ។
ការប៉ះទង្គិចគ្នាបានកើតមានឡើងនៅក្នុងរដ្ឋ Kayah ជិតព្រំដែនថៃក្នុងរយៈពេលប៉ុន្មានសប្តាហ៍ចុងក្រោយនេះ។
អ្នកស្រុកបានចោទប្រកាន់កម្លាំងយោធាមីយ៉ាន់ម៉ាពីការបាញ់គ្រាប់ផ្លោងទៅលើតំបន់ភូមិឋានរបស់ពួកគាត់ ហើយអង្គការសហប្រជាជាតិ (UN) បានប៉ាន់ស្មានថា មនុស្សប្រហែលជា១០ម៉ឺននាក់បានរត់ចោលផ្ទះសម្បែង។
លោក Tom Andrews បាននិយាយក្នុងសេចក្តីថ្លែងការណ៍មួយនៅលើ Twitter កាលពីថ្ងៃអង្គារ៍ថា ៖«ការវាយប្រហារដ៏សាហាវឃោឃៅ និងមិនរើសអើងរបស់កម្លាំងយោធាមីយ៉ាន់ម៉ាកំពុងគំរាមកំហែងដល់អាយុជីវិតមនុស្សរាប់ពាន់នាក់ ទាំងបុរស ស្រី និងកុមារនៅរដ្ឋ Kayah»។
លោកថា ៖«សូមឲ្យខ្ញុំធ្វើឲ្យច្បាស់។ ការស្លាប់ដ៏ច្រើនសន្ធឹកសន្ធាប់ដោយសារភាពអត់ឃ្លាន ជំងឺឈឺថ្កាត់ និងគ្មានអ្វីការពារក្នុងទំហំដែលមិនទាន់ឃើញនៅឡើយ អាចនឹងកើតមាននៅរដ្ឋ Kayah ដែលមិនទាន់មានចំណាត់ការបន្ទាន់»។
កិច្ចខិតខំប្រឹងប្រែការទូតដើម្បីបញ្ឈប់ការបង្ហូរឈាមត្រូវបានដឹកនាំដោយសមាគមប្រជាជាតិអាស៊ីអាគ្នេយ៍ (អាស៊ាន) ដែលប្រទេសមីយ៉ាន់ម៉ាក៏ជាសមាជិកមួយដែរ ប៉ុន្តែប្លុកនេះមានភាពតានតឹង និងដាក់សម្ពាធតិចតួចប៉ុណ្ណោះលើរបបយោធាមីយ៉ាន់ម៉ា។
កិច្ចប្រជុំកំពូលបន្ទាន់កាលពីខែមេសាបានបង្កើតកិច្ចព្រមព្រៀង៥ចំណុចដែលអំពាវនាវឲ្យមេដឹកនាំយោធាមីយ៉ាន់ម៉ាបញ្ឈប់ហិង្សាជាបន្ទាន់ និងដំណើរទស្សនកិច្ចរបស់ប្រេសិតពិសេសទៅកាន់ប្រទេសមីយ៉ាន់ម៉ា។
ប៉ុន្តែប្រេសិតពិសេសនោះមិនទាន់ត្រូវបានតែងតាំងនៅឡើយទេ ហើយហិង្សានៅតែបន្តកើតមានទូទាំងប្រទេសដែលមេដឹកនាំរបស់ប្រទេសនេះមិនបានអនុវត្តតាមកិច្ចព្រមព្រៀងទាំងនោះទេ៕
ប្រែសម្រួល៖ វីរបុត្រ
ប្រភព៖ france24
ស្ទឹងសៀមរាបមិនមែនកើតពីធម្មជាតិ ឆ្លងកាត់ការជីកដោយមនុស្សជំនាន់អាណាចក្រខ្មែរ
ឆន ស្រីណេត ផ្តាំអ្នកវែកញែកមិនឃើញតម្លៃការខិតខំថ្នាក់ដឹកនាំថា “គួររួបរួមសាមគ្គីគ្នាទៅល្អជាង”
លោកជំទាវស្ត្រីទី១៖ជាគ្រូពេទ្យទាមទារទំនួលខុសត្រូវខ្ពស់ ប្រឈមជំងឺបាក់ទឹកចិត្តខ្លាំង ហើយបញ្ហានេះអាចធ្វើឱ្យគ្រូពេទ្យសម្លាប់ខ្លួនបាន
ច្រកព្រំដែនអានសេះ បើកដំណើរការធម្មតា អាជ្ញាធរអំពាវនាវពលរដ្ឋ កុំជឿតាមការផ្សាយរបស់សារព័ត៌មានបរទេសមួយចំនួន
លោក នេត្រ ភក្ត្រា ៖ កុមារា កុមារី ជាទំពាំងស្នងឫស្សីសម្រាប់ជាតិ និងជាអ្នកបន្តវេនដ៏មានសក្ដានុពល
សមត្ថកិច្ចខណ្ឌទួលគោក ស្រាវជ្រាវឃាត់ខ្លួនជនសង្ស័យ ១ នាក់ បើកទូរ៉ឺម៉កពលរដ្ឋលួចទឹកដោះគោ នៅកណ្ដាលផ្លូវ
លោក តាន់ ហ្សង់ហ្វ្រង់ស្វ័រ÷ ករណីយល់ច្រឡំគ្នារវាងសមាជិកសភាជប៉ុន ជាមួយទូតកម្ពុជា មិនអាចធ្វើឱ្យទំនាក់ទំនងកម្ពុជាជប៉ុនស្រុតចុះឡើយ
អាជ្ញាធរខេត្តជាប់ព្រំដែន អះអាងថា ច្រកទ្វាររវាងកម្ពុជា-ថៃ គឺដំណើរការធម្មតា ពុំមានការបិទឡើយ
ច្រកព្រំដែនអានសេះ បើកដំណើរការធម្មតា អាជ្ញាធរអំពាវនាវពលរដ្ឋ កុំជឿតាមការផ្សាយរបស់សារព័ត៌មានបរទេសមួយចំនួន
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
ព័ត៌មានជាតិ១ សប្តាហ៍ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
ព័ត៌មានជាតិ៣ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម១ សប្តាហ៍ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៦ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ១ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
សន្តិសុខសង្គម១ សប្តាហ៍ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៣ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៤ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ