ព័ត៌មានអន្ដរជាតិ

សវនាការដំបូងលើលោកស្រី អ៊ុងសាន ស៊ូជី ចាប់ផ្តើមថ្ងៃនេះ

បានផុស

៣ years មុន

នៅ

ថ្ងៃចន្ទ ១៤ មិថុនា ២០២១

ដោយ

សវនាការលើមេដឹកនាំមីយ៉ាន់ម៉ាបណ្តេញចេញលោកស្រី អ៊ុងសាន ស៊ូជី នឹងត្រូវចាប់ផ្តើមបើកលើកដំបូងនាថ្ងៃចន្ទនេះ បន្ទាប់ពីរដ្ឋប្រហារឃុំខ្លួនលោកស្រីរយៈពេលជាង៤ខែមក។

ការតវ៉ាបានកើតមានជារៀងរាល់ថ្ងៃនៅប្រទេសមីយ៉ាន់ម៉ា ចាប់តាំងពីរបបយោធាមីយ៉ាន់ម៉ាបានផ្តួលរំលំរដ្ឋាភិបាលរបស់លោកស្រីកាលពីខែកុម្ភៈ ដែលបានបញ្ចប់ការប្រឹងប្រែងស្វែងរកប្រជាធិបតេយ្យ១០ឆ្នាំរបស់ប្រទេសនេះ។

យោងតាមក្រុមឃ្លាំមើលក្នុងស្រុកមួយបានឲ្យដឹងថា ការតវ៉ាត្រូវបានបង្ក្រាបដោយហិង្សារបស់កម្លាំងសន្តិសុខមីយ៉ាន់ម៉ាបានសម្លាប់មនុស្សជាង៨៥០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របបយោធាមីយ៉ាន់ម៉ាបានធ្វើការចោទប្រកាន់លើម្ចាស់ពានរង្វាន់ណូបែលជាច្រើនករណីមានដូចជាអំពើពុលរលួយនៃការទទួលសំណូកជាប្រាក់ និងមាស រហូតដល់ការបំពាន់ច្បាប់សម្ងាត់ជាដើម។

នៅថ្ងៃចន្ទនេះ ក្រុមមេធាវីការពារក្តីរបស់លោកស្រីនឹងធ្វើការសាកសួរសាក្សីដែលចោទប្រកាន់លោកស្រីពីការនាំចូលឧបករណ៍ទាក់ទង (អាយកូម)ខុសច្បាប់ និងការបំពាន់បំរាមរឹតត្បិតកូវីដ-១៩កំឡុងការបោះឆ្នោតកាលពីឆ្នាំមុនដែលគណបក្សសម្ព័ន្ធជាតិដើម្បីប្រជាធិបតេ្យ (NLD)ឈ្នះភ្លូកទឹក-ដី។

ក្រុមមេធាវីរបស់លោកស្រី ដែលត្រូវបានអនុញ្ញាតឲ្យជួបលោកស្រីបានតែ២ដងប៉ុណ្ណោះចាប់តាំងពីលោកស្រីត្រូវបានឃុំឃាំងនៅក្នុងផ្ទះមកបាននិយាយថា ពួកគេសង្ឃឹមថា ការជំនុំជម្រះនឹងបញ្ចប់ត្រឹមថ្ងៃទី២៦ ខែកក្កដា។

សវនាការលើករណីចោទប្រកាន់នីមួយៗនឹងត្រូវធ្វើឡើងជារៀងរាល់ថ្ងៃចន្ទ។

ប្រសិនបើការរកឃើញពិរុទ្ធនៃការចោទប្រកាន់ទាំងអស់ លោកស្រី ស៊ូជី អាយុ៧៥ឆ្នាំ នឹងប្រឈមជាប់ព័ន្ធនាគារជាងមួយទសវត្សរ៍។

មេធាវីរបស់លោកស្រីម្នាក់ ឈ្មោះ Khin Maung Zaw បាននិយាយថា ៖«យើងសង្ឃឹមសម្រាប់អ្វីដែលល្អបំផុត ប៉ុន្តែបានត្រៀមខ្លួនសម្រាប់អ្វីដែលអាក្រក់បំផុត»។ សវនាការនឹងបើកនៅរដ្ឋធានី Nay Pyi Taw។

មេដឹកនាំរដ្ឋប្រហារលោកឧត្តមសេនីយ៍ជាន់ខ្ពស់ Min Aung Hlaing d

ករណីដាច់ដោយឡែកមួយទៀតគ្រោងនឹងចាប់ផ្តើមនៅថ្ងៃទី១៥ ខែមិថុនា ដែលត្រូវបានចោទលោកស្រីពីការបះបោរជាមួយលោកលោកប្រធានាធិបតីបណ្តេញចេញ Win Myint ព្រមទាំងសមាជិកជាន់ខ្ពស់របស់គណបក្ស NLD ម្នាក់ទៀត។

លោកស្រី អ៊ុងសាន ស៊ូជី ធ្លាប់ត្រូវបានជាប់ឃុំនៅក្នុងផ្ទះជាង១៥ឆ្នាំមកហើយក្រោមការដឹកនាំរបស់របបយោធាមុនពេលត្រូវបានដោះលែងនៅឆ្នាំ២០១០។

បទចោទប្រកាន់លើលោកស្រី អ៊ុងសាន ស៊ូជី មានដូចជា៖

អំពើពុករលួយ ដែលអាចជាប់ពន្ធនាគារដល់១៥ឆ្នាំ
ការបំពានលើច្បាប់សម្ងាត់ អាចជាប់ពន្ធនាគារដល់១៤ឆ្នាំ
ការបំពាន់ច្បាប់នាំចូល អាចជាប់ពន្ធនាគារដល់៣ឆ្នាំ
ការបំពានច្បាប់ទូរគមនាគមន៍ អាចជាប់ពន្ធនាគារដល់១ឆ្នាំ
ការចោទប្រកាន់ពីរករណីទៀតគឺបំពានច្បាប់គ្រោះធម្មជាតិ ដោយការចោទនីមួយៗអាចជាប់ពន្ធនាគារដល់៣ឆ្នាំ
ការញុះញង់ជាសាធារណៈឲ្យមានការបះបោរ អាចជាប់ពន្ធនាគារដល់៣ឆ្នាំ

ប្រែសម្រួល៖ វីរបុត្រ
ប្រភព៖ straitstimes