ព័ត៌មានអន្ដរជាតិ
អ៊ីស្រាអែល បើកសេរីភាពឲ្យប្រជាជនមិនបាច់ពាក់ម៉ាសនៅគ្រប់ទីកន្លែង ក្រោយរកឃើញអ្នកឆ្លងថ្មីតិចបំផុត
រដ្ឋាភិបាលអ៊ីស្រាអែលបានដកតម្រូវការពាក់ម៉ាសជាផ្លូវការ សម្រាប់ពលរដ្ឋក្នុងទីតាំងបិទជិត ខណៈដែលយុទ្ធនាការចាក់វ៉ាក់សាំងការពារជំងឺកូវីដ ១៩ របស់ប្រទេសនេះ កំពុងទទួលបានជោគជ័យ ។
នៅអ៊ីស្រាអែល ជាង ៨០ ភាគរយនៃមនុស្សដែលមានអាយុចាប់ពី ១៦ ឆ្នាំឡើងទៅបានចាក់វ៉ាក់សាំងរួច ហើយចំនួនមធ្យមនៃករណីឆ្លងប្រចាំថ្ងៃថ្មី បានធ្លាក់ចុះដល់ ១២ ករណី ។
ទន្ទឹមនោះ រដ្ឋាភិបាលមិនមានការកំណត់លើចំនួនមនុស្ស នៅឯការជួបជុំគ្នានោះទេ ចាប់តាំងពីដើមខែមិថុនា ហើយប្រជាជនក៏មិនចាំបាច់បង្ហាញកាតចាក់វ៉ាក់សាំងផងដែរ ។
រដ្ឋាភិបាលបានសម្រេចលុបលក្ខខណ្ឌតម្រូវឲ្យពាក់ម៉ាស ក្នុងទីតាំងបិទជិតកាលពីថ្ងៃអង្គារ ខណៈប្រជាជនមិនតម្រូវឲ្យពាក់ម៉ាសនៅទីតាំងបើកចំហរ ចាប់តាំងពីខែមេសាមក ។
ប៉ុន្តែការពាក់ម៉ាសនៅតែតម្រូវសម្រាប់អ្នកដំណើរ នៅលើជើងហោះហើរអន្តរជាតិ ក៏ដូចជាសម្រាប់មនុស្សដែលមិនទាន់ចាក់វ៉ាក់សាំងទៅមន្ទីរពេទ្យ និងកន្លែងសម្រាប់មើលថែមនុស្សចាស់ ។
ចំណែកនៅផ្សារទំនើបមួយក្នុងក្រុង Jerusalem កាលពីថ្ងៃអង្គារ គេឃើញមនុស្សជាច្រើនរីករាយនឹងការទិញទំនិញ និងការបរិភោគអាហារដោយគ្មានពាក់ម៉ាស ។
គួរបញ្ជាក់ថា អ៊ីស្រាអែលនៅតែតម្រូវឲ្យប្រជាជនចាក់វ៉ាក់សាំង នៅពេលចូលប្រទេស ។ ប៉ុន្តែជីវិតរស់នៅរបស់ប្រជាជនប្រទេសនេះ កំពុងវិលត្រឡប់មករកភាពធម្មតាវិញ ដោយសារការរឹតត្បិតលើការធ្វើដំណើរ និងសកម្មភាពប្រចាំថ្ងៃភាគច្រើនត្រូវបានដកចេញ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អ៊ីស្រាអែល ត្រៀមលុបតម្រូវការពាក់ម៉ាសនៅក្នុងទីតាំងបិទជិតមួយទៀត
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)