ព័ត៌មានអន្ដរជាតិ
ប្រសើរណាស់! ប្រទេស មួយទៀតនៅអឺរ៉ុប លែងឲ្យប្រជាជនពាក់ម៉ាសនៅទីតាំងបើកចំហ
ប្រទេសបារាំង បានលុបចោលតម្រូវការពាក់ម៉ាសនៅទីតាំងបើកចំហ ហើយនឹងបញ្ចប់បម្រាមគោចរនៅពេលយប់មុនពេលកំណត់ បន្ទាប់ពីមានភាពប្រសើរឡើង នៃការគ្រប់គ្រងស្ថានភាពជំងឺកូវីដ ១៩ ។
នាយករដ្ឋមន្រ្តីបារាំងលោក Jean Castex បានប្រាប់ក្រុមអ្នកយកព័ត៌មានកាលពីថ្ងៃពុធថា ករណីឆ្លងថ្មីប្រចាំថ្ងៃបានធ្លាក់ចុះដល់ជាង ៣,០០០ ករណី ខណៈករណីឆ្លងខ្ពស់ឡើងដល់ ៥,០០០ ករណី ។ លោកបាននិយាយថា ស្ថានការណ៍កំពុងតែប្រសើរឡើងលឿនជាងការរំពឹងទុក ។
លោក Castex បានប្រកាសថា ការពាក់ម៉ាសនៅទីតាំងបើកចំហ ដែលត្រូវបានតម្រូវចាប់តាំងពីខែសីហាឆ្នាំទៅ នឹងត្រូវលុបចេញចាប់ពីថ្ងៃព្រហស្បតិ៍នេះទៅ ។
ប៉ុន្តែលោកបានកត់សម្គាល់ថា ការពាក់ម៉ាសនឹងនៅតែចាំបាច់ នៅក្នុងកាលៈទេសៈជាក់លាក់ ដូចជានៅក្នុងកីឡដ្ឋាន និងកន្លែងដែលមានមនុស្សច្រើន ។
លោក Castex ក៏បាននិយាយផងដែរថា បម្រាមគោចរនៅម៉ោង ១១ យប់ នឹងត្រូវដកចេញនៅថ្ងៃអាទិត្យខាងមុខ ពោល ១០ ថ្ងៃមុនពេលកំណត់ ។
លោកនាយករដ្ឋមន្រ្តីបានបន្ថែមទៀតថា វិធានការធ្វើចត្តាឡីស័ក នឹងនៅតែរឹតបន្តឹងនៅអាកាសយានដ្ឋាន និងកំពង់ផែសមុទ្រ ដើម្បីទប់ស្កាត់វីរុសបំប្លែងខ្លួនឥណ្ឌា “Delta” ខណៈដែលឥឡូវនេះកំពុងរីករាលខ្លាំងនៅចក្រភពអង់គ្លេស និងកន្លែងផ្សេងទៀត ។
លោកបាននិយាយថា រដ្ឋាភិបាលក៏គ្រោងនឹងចាក់វ៉ាក់សាំងការពារជំងឺកូវីដ ១៩ ដូសដំបូងដល់ប្រជាជនបារាំងចំនួន ៦០ ភាគរយ ពោល ៤០ លាននាក់នៅចុងខែសីហានេះ ខណៈប្រជាជន ៣៥ លាននាក់បានចាក់វ៉ាក់សាំងពេញ ២ ដូសរួចហើយ ៕
ប្រែសម្រួលដោយ ៖ ជីវ័ន្ត
ប្រភព ៖ NHK

-
ព័ត៌មានជាតិ៤ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម១ សប្តាហ៍ ago
នគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៧ ថ្ងៃ ago
សពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ២ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ២ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
សន្តិសុខសង្គម១ សប្តាហ៍ ago
តុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៤ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៥ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ