ព័ត៌មានអន្ដរជាតិ
រកឃើញឯកសារសម្ងាត់សំខាន់ៗរបស់នាវាចម្បាំង អង់គ្លេស ដែលគំរាមបាញ់ដោយ រុស្ស៊ី នៅចំណតឡានក្រុង
ឯកសារចម្រុះពីក្រសួងការពារជាតិចក្រភពអង់គ្លេស មានផ្ទុកព័ត៌មានអំពីនាវាកងទ័ពជើងទឹក HMS Defender ដែលចូលក្នុងដែនទឹកមានជម្លោះ នៅឯនាយឆ្នេរតំបន់គ្រីមៀកាលពីថ្ងៃពុធ ត្រូវបានគេរកឃើញនៅចំណតរថយន្ដក្រុងមួយនៅទីក្រុង Kent ភាគខាងត្បូងប្រទេសអង់គ្លេស ហើយប្រគល់ទៅសារព័ត៌មាន BBC ។
BBC បាននិយាយថា ឯកសារចំនួន ៥០ ទំព័ររួមទាំងអ៊ីមែល និងបទបង្ហាញក្នុងកម្មវិធី PowerPoint និងប្រតិកម្មរបស់រុស្ស៊ីចំពោះឧប្បត្តិហេតុនេះ ត្រូវបានគេរកឃើញក្នុងគំនរមួយនៅខាងក្រោយចំណតឡានក្រុង នៅព្រឹកថ្ងៃចន្ទនេះ ដោយបុគ្គលម្នាក់ ដែលសុំមិនបញ្ចេញឈ្មោះ ។
ទន្ទឹមនោះ អ្នកនាំពាក្យក្រសួងការពារជាតិ បានអត្ថាធិប្បាយលើការរកឃើញនេះថា “ក្រសួងកំពុងយកចិត្តទុកដាក់លើសន្តិសុខព័ត៌មានយ៉ាងខ្លាំង ហើយការស៊ើបអង្កេតមួយត្រូវបានធ្វើឡើង ខណៈបុគ្គលិកដែលពាក់ព័ន្ធក៏បានរាយការណ៍អំពីការបាត់បង់នៅពេលនោះផងដែរ” ។
ឧប្បត្តិហេតុនេះ ត្រូវបានពិពណ៌នាថាជារឿងគួរឲ្យអាម៉ាស់មួយ ហើយវាជាការព្រួយបារម្ភសម្រាប់រដ្ឋមន្រ្តីក្រសួងការពារជាតិ ។
យោងតាមរបាយការណ៍របស់ BBC បានឲ្យដឹងថា ឯកសារនេះបានគូសបញ្ជាក់ការឆ្លើយតបដ៏មានសក្តានុពលរបស់រុស្ស៊ីចំនួន ៣ ពី “សុវត្ថិភាព និងវិជ្ជាជីវៈ” ទៅ “គ្មានសុវត្ថិភាព និងគ្មានវិជ្ជាជីវៈ” ។
ឯកសារដ៏រសើបដែលបានរកឃើញនៅក្នុងទីក្រុង Kent ក៏នឹងបញ្ជាក់ដែរថា យោធាអង់គ្លេសកំពុងរំពឹងនឹងមានប្រតិកម្មខ្លាំងក្លាពីប្រទេសរុស្ស៊ី បន្ទាប់ពីការបញ្ជូននាវារបស់កងទ័ពជើងទឹក ចូលទៅក្នុងដែនទឹកមានជម្លោះ ។
គួររំឭកថា កាលពីថ្ងៃពុធអាជ្ញាធររុស្ស៊ីបានរាយការណ៍ពីការបាញ់ព្រមាន ទៅលើនាវាចម្បាំងអង់គ្លេស HMS Defender នៅពេលដែលវាចូលទៅក្នុងដែនទឹករបស់ប្រទេសរុស្ស៊ី នៅសមុទ្រខ្មៅក្បែរតំបន់គ្រីមៀ ប៉ុន្តែក្រោយមកត្រូវបានអង់គ្លេសបដិសេធថា វាជាការធ្វើសមយុទ្ធរបស់រុស្ស៊ីតែប៉ុណ្ណោះ ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ រុស្ស៊ី បាញ់ទៅលើនាវាចម្បាំង អង់គ្លេស បន្ទាប់ពីចូលដែនទឹកក្បែរតំបន់គ្រីមៀ
ចុចអាន ៖ រុស្ស៊ី គំរាមទម្លាក់គ្រាប់បែកលើនាវាចម្បាំង អង់គ្លេស
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ