ព័ត៌មានអន្ដរជាតិ
ប្រទេសមួយទៀត ផ្លាស់ប្តូរយុទ្ធសាស្រ្ត ឲ្យប្រជាជនរៀនរស់ជាមួយ កូវីដ
កាលពី៤សប្តាហ៍មុន ប្រទេសអ៊ីស្រាអែល បានអបអរការវិលត្រឡប់ទៅរកជីវិតធម្មតាវិញ ក្នុងការប្រយុទ្ធប្រឆាំងនឹងជំងឺកូវីដ-១៩។ ល្បឿនជាមួយកិច្ចខិតខំប្រឹងប្រែងចាក់វ៉ាក់សាំង ដែលអាចជួយកាត់បន្ថយករណីឆ្លងនិងអត្រាមរណភាព ពីជំងឺកូវីដ-១៩ បាននាំទៅរកការដកចេញនូវតម្រូវការពាក់ម៉ាស់ និងលែងមានវិធានការគម្លាតសង្គមតទៅទៀត។
ថ្មីៗនេះ វីរុសបំប្លែងខ្លួនឆ្លងខ្លាំង Delta បានលេចឡើង និងបង្កឲ្យមានការរីករាលដាលនៃការឆ្លងថ្មី ដែលជាហេតុបង្ខំឲ្យលោកនាយករដ្ឋមន្រ្តី Naftali Bennett ដាក់ការរឹតត្បិតខ្លះសាជាថ្មី ក៏ដូចជាការរៀបចំគោលនយោបាយឡើងវិញផងដែរ។
អ៊ីស្រាអែល ក៏បានជ្រើសរើសយកគោលនយោបាយ ឲ្យពលរដ្ឋរបស់ខ្លួន រៀនរស់នៅជាមួយវីរុសផងដែរ ប៉ុន្តែមានការរឹតត្បិតតិចតួចតាមដែលអាចធ្វើទៅបាន ដើម្បីចៀសវាងការបិទខ្ទប់លើកទីបួន ដែលអាចបង្កគ្រោះថ្នាក់ដល់សេដ្ឋកិច្ចរបស់ប្រទេស។
ដោយសារប្រជាជនអ៊ីស្រាអែលដែលស្ថិតក្នុងក្រុមហានិភ័យភាគច្រើន បានទទួលការចាក់វ៉ាក់សាំងកូវីដហើយនោះ លោកនាយករដ្ឋមន្រ្តី Bennett បានមើលឃើញថា មានមនុស្សធ្លាក់ខ្លួនឈឺធ្ងន់តិចជាងមុន ទោះបីករណីឆ្លងកើនឡើងក៏ដោយ។
កាលពីសប្តាហ៍មុន លោក Bennett បាននិយាយថា “ការអនុវត្តយុទ្ធសាស្ត្រ នឹងតម្រូវឲ្យមានការប្រថុយប្រថានជាក់លាក់មួយចំនួន ប៉ុន្តែនៅក្នុងការពិចារណាជារួម រួមទាំងកត្តាសេដ្ឋកិច្ចផងដែរនោះ គឺជាតុល្យភាពចាំបាច់”។
កត្តាដែលសំខាន់ចំពោះវិធានការនេះ គឺចំនួនករណីអ្នកជំងឺកូវីដធ្ងន់ធ្ងរនៅក្នុងមន្ទីរពេទ្យ។ ការអនុវត្ត នឹងតម្រូវឲ្យមានការត្រួតពិនិត្យលើករណីឆ្លង ការលើកទឹកចិត្តឲ្យទៅចាក់វ៉ាក់សាំង ការធ្វើតេស្តរហ័ស និងយុទ្ធនាការផ្សព្វផ្សាយព័ត៌មានអំពីការពាក់ម៉ាស់។
ការរឹតត្បិតដែលត្រូវបានដាក់ឡើងវិញ រួមមាន កាតព្វកិច្ចពាក់ម៉ាស់នៅក្នុងកន្លែងបិទជិត និងការធ្វើចត្តាឡីស័ក សម្រាប់អ្នកទាំងឡាយណាដែលចូលប្រទេសអ៊ីស្រាអែល។
ប្រទេសអ៊ីស្រាអែល បានដាក់ការបិទខ្ទប់លើកចុងក្រោយបំផុត កាលពីខែធ្នូឆ្នាំមុន ពោលគឺប្រហែលមួយសប្តាហ៍ បន្ទាប់ពីការចាប់ផ្តើមកម្មវិធីចាក់វ៉ាក់សាំងលឿនបំផុតមួយ របស់ពិភពលោក។
ទន្ទឹមនឹងនេះដែរ ការឆ្លងជំងឺកូវីដ-១៩ប្រចាំថ្ងៃ បានឈានដល់៤៥០ករណី។ វីរុសបំប្លែងខ្លួន Delta ដែលត្រូវបានរកឃើញដំបូងនៅក្នុងប្រទេសឥណ្ឌា ឥឡូវនេះ មានប្រហែល ៩០ ភាគរយនៃករណីទាំងអស់៕
ប្រែសម្រួល៖ Vann Vann
ប្រភព៖ VOI
ចុចអាន៖ សិង្ហបុរី ដាក់ចេញផែនការថ្មី ដើម្បីរស់នៅជាមួយកូវីដ គ្រប់គ្នាឃើញហើយភ្ញាក់ផ្អើល
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore