ព័ត៌មានអន្ដរជាតិ

ប្រធានាធិបតីប្រេស៊ីលប្រហែលត្រូវវះកាត់ពោះលើកទី៧គិតចាប់ពីឆ្នាំ២០១៨

បានផុស

៥ years មុន

នៅ

ថ្ងៃព្រហស្បតិ៍ ១៥ កក្កដា ២០២១

ដោយ

រដ្ឋាភិបាលនិយាយនៅថ្ងៃពុធថា ប្រធានាធិបតីប្រេស៊ីល លោក Jair Bolsonaro កំពុងកើតមានជំងឺស្ទះពោះវៀន បន្ទាប់ពីលោកត្រូវបានបញ្ជូនទៅកាន់មន្ទីរពេទ្យដោយសារត្អើកខ្លាំងប្រហែលជា១០ថ្ងៃមកហើយ។

មេដឹកនាំស្តាំនិយមអាយុ៦៦ឆ្នាំបានប្រាប់ពីការធ្វើទុក្ខជាសាធារណៈ ចាប់តាំងសប្តាហ៍មុនពីការធ្វើទុក្ខត្អើកខ្លាំង បន្ទាប់ពីធ្វើការវះកាត់ម្តងហើយកាលពីថ្ងៃទី៣ ខែកក្កដាដើម្បីផ្សាំធ្មេញ។

លោក Bolsonaro ដំបូងឡើយត្រូវបានបញ្ជូនទៅកាន់មន្ទីរពេទ្យទាហាននៅទីក្រុង Brasilia ប៉ុន្តែបន្ទាប់មកបានបញ្ជូនតាមយន្តហោះកងទ័ពអាកាសទៅកាន់មន្ទីរពេទ្យឯកជន Vila Nova Star នៅទីក្រុង Sao Paulo។

ក្រុមវេជ្ជបណ្ឌិតបាននិយាយថា នៅទីនោះលោកកំពុងស្ថិតក្រោមការព្យាបាល ពិនិត្យតាមដាន និងធ្វើតេស្ត ហើយបន្តស្នាក់នៅមន្ទីរពេទ្យទៀត។

លោក Bolsonaro ត្រូវបានពិនិត្យនៅទីក្រុង Brasilia ដោយវេជ្ជបណ្ឌិត Antonio Macedo ដែលបានធ្វើការវះកាត់លោកប្រធានាធិបតីជាច្រើនលើកមកហើយចាប់តាំងពីលោកត្រូវបានគេចាក់ដោយកាំបិតលើពោះកាលពីឆ្នាំ២០១៨ ខណៈពេលលោកធ្វើយុទ្ធនាការណ៍បោះឆ្នោត។

មន្ទីរពេទ្យបាននិយាយថា ជាដំបូង លោកប្រធានាធិបតីត្រូវការព្យាបាលដោយមានការយកចិត្តទុកខ្ពស់បំផុត។ ប្រសិនបើត្រូវបានបញ្ជាក់ថា លោកត្រូវការវះកាត់ទៀតនោះ លោកនឹងត្រូវការវះកាត់លើកទី៧ចាប់តាំងពីអតីតសមាជិកគណបក្សសង្គមនិយម និងប្រជាធិបតេយ្យ (PSOL)បានចាក់កាលពីឆ្នាំ២០១៨៕