ព័ត៌មានអន្ដរជាតិ
ការពារខ្លួន! អ្នកចាក់វ៉ាក់សាំងហើយរាប់រយនាក់ កំពុងដេកពេទ្យព្យាបាល Delta នៅ អង់គ្លេស
អ្នកវិទ្យាសាស្ត្របាននិយាយកាលពីថ្ងៃសុក្រថា មនុស្សរាប់រយនាក់ដែលបានចាក់វ៉ាក់សាំងពេញលេញហើយនៅក្នុងប្រទេសអង់គ្លេស ត្រូវបានបញ្ជូនទៅព្យាបាលនៅមន្ទីរពេទ្យ ដោយសារវីរុសកូវីដ-១៩បំប្លែងខ្លួនប្រភេទ Delta។
នៅក្នុងការធ្វើបច្ចុប្បន្នភាពកូវីដ -១៩ ចុងក្រោយបង្អស់របស់ខ្លួន សេវាសុខភាពសាធារណៈអង់គ្លេស (PHE) ក៏បានព្រមានផងដែរថា មានសញ្ញាដំបូងថា មនុស្សចាក់វ៉ាក់សាំងរួចហើយ អាចចម្លងវីរុស Delta បានយ៉ាងងាយស្រួលដូចអ្នកដែលមិនបានចាក់ដែរ។
PHE បាននិយាយថា ចាប់ពីថ្ងៃទី ១៩ ខែកក្កដាដល់ថ្ងៃទី ២ ខែសីហា ៥៥,១ ភាគរយនៃមនុស្ស ១,៤៦៧ នាក់ដែលកំពុងសម្រាកព្យាបាលនៅមន្ទីរពេទ្យជាមួយវីរុស Delta គឺជាអ្នកមិនចាក់វ៉ាក់សាំង ខណៈ ៣៤,៩ ភាគរយឬ ៥១២ នាក់ ជាអ្នកទទួលវ៉ាក់សាំងគ្រប់២ដូស។
PHE និយាយថា “នៅពេលដែលប្រជាជនកាន់តែច្រើន បានទទួលថ្នាំបង្ការ យើងនឹងឃើញភាគរយខ្ពស់នៃអ្នកដែលចាក់វ៉ាក់សាំង ចូលព្យាបាលក្នុងមន្ទីរពេទ្យ”។
លោកស្រី Jenny Harries នាយកប្រតិបត្តិនៃទីភ្នាក់ងារសន្តិសុខសុខភាព ចក្រភពអង់គ្លេសបាននិយាយថា តួលេខនៅមន្ទីរពេទ្យបានបង្ហាញថា “វាមានសារៈសំខាន់ប៉ុនណា ដែលយើងទាំងអស់គ្នា ត្រូវមកទទួលវ៉ាក់សាំងទាំងពីរដូស ឲ្យបានឆាប់តាមដែលអាចធ្វើបាន”។
ការចាក់វ៉ាក់សាំងគឺជាឧបករណ៍ដ៏ល្អបំផុតដែលយើងមាន ដើម្បីរក្សាខ្លួនយើងនិងមនុស្សជាទីស្រលាញ់របស់យើងឲ្យមានសុវត្ថិភាព ពីហានិភ័យជំងឺធ្ងន់ធ្ងរដែលអាចបង្កឡើង ដោយកូវីដ។
ទោះបីជាយ៉ាងណាក៏ដោយ យើងក៏ត្រូវតែចងចាំផងដែរថា វ៉ាក់សាំងតែមួយមុខ មិនអាចលុបបំបាត់ហានិភ័យទាំងអស់បានទេ។
វ៉ាក់សាំង ត្រូវបានគេបង្ហាញថា ផ្តល់ការការពារល្អប្រសើរប្រឆាំងនឹងជំងឺធ្ងន់ធ្ងរ និងការស្លាប់ដោយសារវីរុស Delta ជាពិសេសជាមួយការចាក់ពីរដូស ប៉ុន្តែមានទិន្នន័យតិចតួចណាស់អំពីថា តើមនុស្សដែលទទួលថ្នាំបង្ការ នៅតែអាចចម្លងវីរុសទៅអ្នកដទៃបានដែរឬទេ៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ អង់គ្លេស ផ្ទុះវីរុសកូវីដបំប្លែងខ្លួនមួយទៀត ជាប្រភេទមេរោគមិនខ្លាចវ៉ាក់សាំង
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ