ព័ត៌មានអន្ដរជាតិ
ក្រោយផ្ទុះឆ្លងកូវីដជាចង្កោម ហាណូយ យកសំណាកប្រជាជនក្នុងទីក្រុងចំនួន ៣០ ម៉ឺននាក់
អាជ្ញាធរទីក្រុងហាណូយបានយកសំណាកពីប្រជាជនចំនួន ៣០ ម៉ឺននាក់នៅក្នុងក្រុម និងតំបន់ដែលមានហានិភ័យខ្ពស់ដើម្បីតេស្តរកកូវីដ ចាប់ពីថ្ងៃអង្គារនេះ ដល់ថ្ងៃទី ១៧ ខែសីហា ។
សំណាកដែលយកចេញពីតំបន់ដែលមានហានិភ័យខ្ពស់ រួមទាំងការផ្ទុះឆ្លងជាចង្កោម និងតំបន់ដែលមានដង់ស៊ីតេប្រជាជនខ្ពស់ មានចំនួន ១៨៦,០០០ សំណាក ខណៈសំណាកចំនួន ១១៤,០០០ ផ្សេងទៀត ត្រូវបានប្រមូលពីក្រុមដែលមានហានិភ័យខ្ពស់ ដូចជា កម្មករសេវាកម្មដឹកជញ្ជូន អ្នកលក់រាយ អ្នកបើកបរ បុគ្គលិកនៅក្នុងសួនឧស្សាហកម្ម និងកម្មករអនាម័យសាធារណៈ ។
លោក Dao Huu Than ប្រធាននាយកដ្ឋានបង្ការ និងគ្រប់គ្រងជំងឺឆ្លង នៃមជ្ឈមណ្ឌលគ្រប់គ្រងជំងឺទីក្រុងហាណូយ (HCDC) បានប្រាប់កិច្ចប្រជុំមួយនៅថ្ងៃអង្គារនេះថា ស្ថានភាពជំងឺរាតត្បាតនៅក្នុងរដ្ឋធានី នៅតែមានភាពស្មុគស្មាញ ដោយសារចំនួនករណីឆ្លងបានកើនឡើង ក្នុងរយៈពេលប៉ុន្មានថ្ងៃចុងក្រោយនេះ ខណៈពួកគេភាគច្រើនមកពីប្រភពដែលមិនត្រូវបានគេដឹង ។
ក្នុងចំណោមអ្នកជំងឺចំនួន ១,៣៦៩ នាក់ដែលត្រូវបានកត់ត្រាទុកក្នុងរយៈពេល ៣ សប្តាហ៍ចុងក្រោយនេះ មាន ៦៣៤ នាក់ត្រូវបានរកឃើញ ក្នុងអំឡុងពេលយុទ្ធនាការធ្វើតេស្តក្នុងសហគមន៍ ពោលស្មើនឹង ៤៦ ភាគរយ ។
ទន្ទឹមនោះ ករណីទាំងនេះភាគច្រើនជាការផ្ទុះឡើងជាចង្កោមនៅភូមិ Tho Am ក្នុងស្រុក Thanh Tri, តំបន់លំនៅដ្ឋាន Hoa Voi នៅស្រុក Quoc Oai និងផ្សារ Phung នៅស្រុក Thach That ។
ស្របពេលជាមួយគ្នានេះ ប្រទេសវៀតណាមបានរាយការណ៍នៅព្រឹកថ្ងៃអង្គារនេះថា មានករណីឆ្លងថ្មីនៃជំងឺកូវីដ ១៩ ចំនួន ៥,១៤៩ ករណី រួមទាំងការឆ្លងចំនួន ២,៤៩០ នៅទីក្រុងហូជីមិញ ដោយបង្កើនចំនួនឆ្លងសរុបរបស់ប្រទេសនេះឡើងដល់ ២២៤,៨៩៤ នាក់ ខណៈមានអ្នកជាសះស្បើយ ៧៥,៩២០ នាក់ ។
គួរបញ្ជាក់ថា ចាប់តាំងពីថ្ងៃទី ២៧ ខែមេសា ចំនួនករណីឆ្លងក្នុងសហគមន៍បានកើនឡើងដល់ ២២០,៩៥៧ ករណី ក្នុងនោះមាន ២,០៨០ ករណីនៅទីក្រុងហាណូយ ៕
ប្រែសម្រួលដោយ ៖ ជីវ័ន្ត
ប្រភព ៖ Tuoi Tre
ចុចអាន ៖ វៀតណាម បន្ថែមការរឹតត្បិត ទីក្រុងហាណូយ ស្របពេលផ្ទុះឆ្លងកូវីដជាចង្កោមថ្មី
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល