ឆ្នាំ ២០០១-២០២១ គឺជា “សង្គ្រាមប្រឆាំងភេរវកម្ម” នៅ អាហ្វហ្គានីស្ថាន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ឆ្នាំ ២០០១-២០២១ គឺជា “សង្គ្រាមប្រឆាំងភេរវកម្ម” នៅ អាហ្វហ្គានីស្ថាន

បានផុស

នៅ

ខណៈដែលមនុស្សភាគច្រើនកំពុងចាប់ផ្តើមថ្ងៃថ្មីនៅព្រឹកថ្ងៃទី ១១ ខែកញ្ញា ឆ្នាំ ២០០១ ដំណឹងមួយបានធ្វើឲ្យពិភពលោកភ្ញាក់ផ្អើលយ៉ាងខ្លាំង ដោយយន្តហោះមួយគ្រឿងបានហោះបុកចូលទៅក្នុងអគារពាណិជ្ជកម្មពិភពលោកនៅតំបន់ Lower Manhattan ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មួយសន្ទុះក្រោយមកនៅវេលាម៉ោង ៩ និង ០៣ នាទីព្រឹក យន្តហោះមួយទៀតបានធ្លាក់ ហើយផ្សែងខ្មៅដ៏ធំបានហុយចេញពីអគារភ្លោះចូលទៅក្នុងមេឃពណ៌ខៀវនៃទីក្រុងញូវយ៉ក ក្រោយអគារកម្ពស់ ១១០ ជាន់ទាំងពីរបានដួលរលំក្នុងរយៈពេលមួយម៉ោង ។

វាបានបង្ហាញថា ភេរវករចំនួន ១៩ នាក់បានប្លន់យន្តហោះសរុបចំនួន ៤ គ្រឿង ខណៈយន្តហោះ ៣ គ្រឿងបានហោះបុកទៅក្នុងគោលដៅនៅទីក្រុងញូវយ៉ក និងវ៉ាស៊ីនតោនឌីស៊ី ខណៈយន្តហោះទី ៤ បានធ្លាក់នៅវាលមួយកន្លែងនៅរដ្ឋ Pennsylvania ។ នៅទីបំផុតមនុស្ស ២,៩៧៧ នាក់បានស្លាប់ដែលនេះគឺជាការវាយប្រហារដ៏សាហាវបំផុតនៅក្នុងប្រវត្តិសាស្ត្រអាមេរិក ។

ការសង្ស័យភ្លាមៗបានធ្លាក់ទៅលើក្រុមអាល់កៃដា ដែលជាក្រុមឥស្លាមនិយម ខណៈសហរដ្ឋអាមេរិកគិតថាជាជម្រករបស់រដ្ឋាភិបាលតាលីបង់នៅអាហ្វហ្គានីស្ថាន ។

ក្រោយមកមិនដល់មួយខែផងពោលគឺនៅថ្ងៃទី ៧ ខែតុលា ឆ្នាំ ២០០១ លោកប្រធានាធិបតី George W. Bush បានប្រកាសបើកដំណើរការ “ប្រតិបត្តិការស៊ូទ្រាំនឹងសេរីភាព (Operation Enduring Freedom)”ដែលជាការចាប់ផ្តើមនៃសង្គ្រាមពិភពលោករបស់អាមេរិកលើភេរវកម្ម ។ ដោយមានការគាំទ្រពីចក្រភពអង់គ្លេស និងសម្ព័ន្ធមិត្តដទៃទៀត យោធាអាមេរិកបានចាប់ផ្តើមយុទ្ធនាការទម្លាក់គ្រាប់បែកលើអាហ្វហ្គានីស្ថានប្រឆាំងនឹងកងកម្លាំងតាលីបង់ ខណៈរលកដំបូងនៃកងកម្លាំងដីគោកអាមេរិកបានមកដល់ប្រទេសអាហ្វហ្គានីស្ថានក្នុងរយៈពេល ១២ ថ្ងៃក្រោយ ។

លោក Bush បាននិយាយថា “តាមរយៈការបំផ្លាញជំរុំ និងការរំខានដល់ទំនាក់ទំនងរបស់ពួកគេ យើងនឹងធ្វើឲ្យបណ្តាញភេរវករកាន់តែលំបាកក្នុងការបណ្តុះបណ្តាលអ្នកជ្រើសរើសថ្មី និងសម្របសម្រួលផែនការអាក្រក់របស់ពួកគេ” ។

លោកប្រធានាធិបតី George W. Bush (ស្ដាំ)

លោកបន្តថា “ក្នុងពេលជាមួយគ្នានេះដែរ ប្រជាជនដែលត្រូវគេជិះជាន់នៅអាហ្វហ្គានីស្ថាននឹងដឹងពីសប្បុរសធម៌របស់អាមេរិក និងសម្ព័ន្ធមិត្តរបស់យើង ។ នៅពេលយើងវាយប្រហារគោលដៅយោធា យើងក៏នឹងទម្លាក់ស្បៀងអាហារ ថ្នាំ និងការផ្គត់ផ្គង់ដល់បុរស ស្ត្រី និងកុមារអាហ្វហ្គានីស្ថានដែលកំពុងស្រេកឃ្លានផងដែរ” ។

គួរបញ្ជាក់ថា សង្គ្រាមរយៈពេល ២០ ឆ្នាំនៅអាហ្វហ្គានីស្ថានត្រូវបានក្រុមតាលីបង់ប្រកាសបញ្ចប់ ក្រោយក្រុមនេះបានចូលដល់រដ្ឋធានីកាប៊ុល និងគ្រប់គ្រងវិមានប្រធានាធិបតីកាលពីថ្ងៃទី ១៥ ខែសីហា ស្របពេលដែលអាមេរិកបានបិទបញ្ចប់ការដកទ័ព និងជម្លៀសមនុសចេញនៅយប់ថ្ងៃទី៣១ ខែសីហា ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ទីបំផុត តាលីបង់ វាយដណ្ដើមបានតំបន់សំខាន់ៗនៃខេត្តរបស់ចលនាតស៊ូប្រដាប់អាវុធ អាហ្វហ្គានីស្ថាន ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ ម៉ោង មុន

ឃុំខ្សាយខ មានកុមារអាយុក្រោម ២ ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដ-១៩ បន្តទទួលសាច់ប្រាក់រាជរដ្ឋាភិបាល

ព័ត៌មានជាតិ១៣ ម៉ោង មុន

ចាប់ខ្លួនស្រ្តីម្នាក់ តាមដីកាបង្គាប់របស់តុលាការ ហើយនៅតេស្ដរកឃើញ វិជ្ជមានកូវីដ-១៩

ព័ត៌មានអន្ដរជាតិ១៣ ម៉ោង មុន

កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ

ព័ត៌មានជាតិ១៣ ម៉ោង មុន

ក្រសួងសុខាភិបាល បង្ហាញបញ្ជីឈ្មោះសណ្ឋាគារចំនួន ៥ សម្រាប់អ្នកដំណើរកក់ធ្វើចត្តាឡីស័ក

ចរាចរណ៍១៤ ម៉ោង មុន

សមត្ថកិច្ច បញ្ជូនបុរសម្នាក់ទៅតុលាការ ក្រោយបើករថយន្តបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស

Sokha Hotels

ព័ត៌មានពេញនិយម

Helistar Cambodia - Helicopter Charter Services