ព័ត៌មានអន្ដរជាតិ

Delta វាយលុកខ្លាំងធ្វើឲ្យកុមារអាមេរិកឆ្លងជាង២០ម៉ឺននាក់គ្រាន់តែសប្តាហ៍មុន

បានផុស

៥ years មុន

នៅ

ថ្ងៃព្រហស្បតិ៍ ៩ កញ្ញា ២០២១

ដោយ

ចាប់តាំងពីឆ្នាំសិក្សាចុងក្រោយមក វីរុសបំប្លែងខ្លួន Alpha ដែលឆ្លងរាតត្បាតខ្លាំងនៅពេលនោះត្រូវបានជំនួសវិញដោយវីរុសបំប្លែងខ្លួនឆ្លងកាចសាហាវ និងលឿនរហ័ស Delta ដែលកំពុងតែរាតត្បាតខ្លាំងនៅសហរដ្ឋអាមេរិក។

ឥឡូវនេះ ករណីឆ្លងកុមារបានកើនឡើងដ៏អាក្រក់ដោយមានចំនួនជាង ៧៥០ ០០០ នាក់ ចន្លោះពីថ្ងៃទី៥ ខែសីហា ដល់ថ្ងៃទី២ ខែកញ្ញា។ នេះបើយោងតាមស្ថាប័នគ្រប់គ្រងមន្ទីរពេទ្យកុមារអាមេរិក (AAP) បាននិយាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានបានឲ្យដឹងថា ៖«កុមារប្រហែលជា ២៥២ ០០០ នាក់ បានឆ្លងកូវីដគ្រាន់តែមួយសប្តាហ៍មុន ដែលនេះជាចំនួនឆ្លងច្រើនបំផុតលើកុមារក្នុងមួយសប្តាហ៍ចាប់តាំងពីកូវីដ-១៩បានចាប់ផ្តើមឡើង»។

AAP បានបញ្ជាក់ថា ឥឡូវនេះ ករណីកូវីដឆ្លងកុមារថ្មីបានកើនឡើងដល់២៦%។

លោកវេជ្ជបណ្ឌិត Jon McCullers ប្រធានមន្ទីរពេទ្យកុមារ Le Bonheur បាននិយាយថា ករណីឆ្លងកុមារកាន់តែច្រើនបានជំរុញឲ្យកុមារមានជំងឺកូវីដ-១៩ចូលមន្ទីរពេទ្យកាន់តែច្រើន។

លោក McCullers បាននិយាយកាលពីថ្ងៃពុធថា ៖«យើងបានឃើញការកើនឡើងយ៉ាងខ្លាំងចំពោះករណីឆ្លងថ្មីនៅក្នុងរយៈពេល៤សប្តាហ៍ចុងក្រោយនេះ ចំពេលដែលកុមារនៅអាមេរិកវិលចូលរៀនវិញ»។

«គួរឲ្យចាប់អារម្មណ៍ខ្លាំង យើងកំពុងឃើញចំនួនកុមារចូលមន្ទីរពេទ្យច្រើនជាងប្រហែលជា៣ដងកំឡុងពេលដូចគ្នា បើប្រៀបធៀបនឹងករណីឆ្លងខ្ពស់បំផុតកំឡុងរដូវរងា»។ ប្រធានមន្ទីរពេទ្យកុមារ Le Bonheur បានបញ្ជាក់៕

ប្រែសម្រួល៖ វីរបុត្រ
ប្រភព៖ CNN

Related Topics:សហរដ្ឋអាមេរិក