ព័ត៌មានអន្ដរជាតិ
បើកដៃឲ្យឈប់សម្រាក ៣ថ្ងៃ កូរ៉េខាងត្បូង ផ្ទុះកូវីដខ្លាំងបំផុតមិនធ្លាប់មាន
ការឆ្លងមេរោគកូវីដ-១៩ប្រចាំថ្ងៃរបស់ប្រទេសកូរ៉េខាងត្បូង បានកើនលើស ៣,០០០ ករណីជាលើកដំបូង ដែលបណ្តាលមកពីការរីករាលដាលក្នុងអំឡុងពេលឈប់សម្រាករយៈពេល៣ថ្ងៃនៅសប្តាហ៍នេះ។
ទីភ្នាក់ងារគ្រប់គ្រងនិងបង្ការជំងឺកូរ៉េ (KDCA) បាននិយាយថា ករណីឆ្លងវីរុសកូវីដចំនួន ៣,២៧៣ ករណីកាលពីថ្ងៃសុក្រ បានកើនលើសកម្រិតខ្ពស់បំផុតដែលកត់ត្រាកាលពីថ្ងៃព្រហស្បតិ៍ ដោយធ្វើឲ្យចំនួនអ្នកឆ្លងសរុបនៅក្នុងប្រទេសនេះ កើនដល់ ២៩៨,៤០២ នាក់និងស្លាប់ចំនួន ២,៤៤១ នាក់។
ក្នុងចំណោមការឆ្លងថ្មី មានការឆ្លងក្នុងសហគមន៍ចំនួន ៣,២៤៥ ករណី ខណៈ ២៨ ករណីជាការនាំចូល។ ជាង ៧៧ភាគរយ នៃករណីសរុប គឺស្ថិតនៅក្នុងទីក្រុងសេអ៊ូលនិងតំបន់ដែលនៅជិតរដ្ឋធានីដែលមានប្រជាជនប្រហែល ៥២ លាននាក់មួយនេះ។
លោកស្រី Jeong Eun-kyeong នាយកទីភ្នាក់ងារនេះបាននិយាយថា “យើងប៉ាន់ប្រមាណថា កំណើននៃការធ្វើដំណើរក្នុងអំឡុងថ្ងៃបុណ្យ Thanksgiving ក៏ដូចជាកំណើនទំនាក់ទំនងរវាងមនុស្សនិងមនុស្ស អាចជាហេតុផលចម្បងនៃការហក់ឡើងយ៉ាងគំហុកនៃករណីឆ្លងនេះ”។
លោកស្រីបានប្រាប់សន្និសីទកាសែតថា ការផ្ទុះឡើងនាពេលបច្ចុប្បន្ននៃវីរុសកូវីដបំប្លែងខ្លួន Delta បានរួមចំណែកដល់ការកើនឡើងនៃការឆ្លង។
លោកស្រីបានបន្ថែមថា ការឆ្លងមេរោគប្រចាំថ្ងៃ អាចបន្តកើនឡើងក្នុងរយៈពេលមួយឬពីរសប្តាហ៍ខាងមុខនេះ ហើយលោកស្រីបានជំរុញឲ្យប្រជាជន ពន្យារពេលឬលុបចោលការជួបជុំជាលក្ខណៈឯកជនក្នុងអំឡុងពេលនេះ។
គួរបញ្ជាក់ថា គិតត្រឹមថ្ងៃសុក្រទី២៤ខែកញ្ញា ប្រជាជនកូរ៉េខាងត្បូងចំនួន ៧៣,៥ភាគរយ បានទទួលវ៉ាក់សាំងយ៉ាងហោចណាស់មួយដូស ហើយជិត ៤៥ភាគរយ បានទទួលវ៉ាក់សាំងពេញលេញ៕
ប្រែសម្រួល៖ Vann Vann
ប្រភព៖ Tuoi Tre
ចុចអាន៖ ទោះស្រដៀងផ្តាសាយមែន តែរោគសញ្ញាសំខាន់ចំនួន ២ បញ្ជាក់ថា អ្នកកើតកូវីដហើយ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត