ព័ត៌មានអន្ដរជាតិ
ប្រធានសភា អាមេរិក Nancy Pelosi បានប្រាក់ខែប្រចាំឆ្នាំ ២២៣,០០០ ដុល្លារ តែមានទ្រព្យសម្បត្តិ ១២០ លានដុល្លារ
ប្រធានសភារបស់គណបក្សប្រជាធិបតេយ្យលោកស្រី Nancy Pelosi បានក្លាយជាសមាជិកចុងក្រោយបង្អស់នៃសភាដែលបង្ហាញយើងទាំងអស់គ្នាពីរបៀបរកលុយនៅលើកាសែត Wall Street ។ ប៉ុន្តែមានសំណួរជាច្រើនបានចោទសួរថា តើលោកស្រី Nancy Pelosi មានទ្រព្យសម្បត្តិប្រមាណ ១២០ លានដុល្លារបានយ៉ាងដូចម្ដេច ខណៈប្រាក់ខែសភារបស់លោកស្រីគឺ ២២៣,៥០០ ដុល្លារក្នុងមួយឆ្នាំ ។
លោកស្រី Pelosi វ័យ ៨១ ឆ្នាំដែលជាតំណាងឲ្យរដ្ឋកាលីហ្វ័រញ៉ា តាំងពីឆ្នាំ ១៩៨៧ និងស្វាមីរបស់លោកស្រីគឺលោក Paul Pelosi ជាម្ចាស់ដើមទុនវិនិយោគប្រឹក្សាហិរញ្ញវត្ថុ និងក្រុមហ៊ុនអចលនទ្រព្យ ហើយលោកស្រីត្រូវបានគេឲ្យឈ្មោះថា “ស្ដេចវិនិយោគ” ។
ទន្ទឹមនោះ មួយសប្តាហ៍មុនគណៈកម្មាធិការវិនិច្ឆ័យសភាបានបោះឆ្នោតលើការកាន់អំណាចក្រុមហ៊ុនបច្ចេកវិទ្យាធំៗ សារព័ត៌មាន Fortune បានរាយការណ៍នៅក្នុងខែកក្កដាថា “ស្វាមីរបស់លោកស្រី Nancy Pelosi បានអនុវត្តការភ្នាល់ដ៏សាហាវលើក្រុមហ៊ុន Alphabet ដែលជាក្រុមហ៊ុនមេរបស់ Google ក្នុងប្រតិបត្តិការមួយដែលធ្វើឲ្យគាត់ទទួលបានប្រាក់ ៥.៣ លានដុល្លារ” ។
ការសិក្សាមួយដែលបានធ្វើឡើងក្នុងឆ្នាំ ២០១១ ដែលតាមដានការវិនិយោគរបស់សមាជិកសភាចន្លោះឆ្នាំ ១៩៨៥ ដល់ ២០០១ បានរកឃើញថា សកម្មភាពនយោបាយរបស់លោកស្រីមានអត្ថប្រយោជន៍ច្រើនជាង ៦ ភាគរយលើវិនិយោគិនទូទៅ ។
អត្ថប្រយោជន៍ ៦ ភាគរយនេះគឺតិចតួចណាស់ បើគិតជាដុល្លារ ប៉ុន្តែក្នុងរយៈពេលយូរវាគឺជាអត្ថប្រយោជន៍ដ៏ធំមួយដែលធានានូវផលចំណេញនៃការវិនិយោគស្ទើរតែគ្មានហានិភ័យ បើប្រៀបធៀបទៅនឹងអ្នកវិនិយោគទូទៅ ។
បន្ថែមពីនេះ ផលចំណេញទីផ្សារជាមធ្យម ១០ ភាគរយក្នុងរយៈពេល ២០ ឆ្នាំ សមាជិកនៃការវិនិយោគសាធារណៈរូបនេះនឹងឃើញទឹកប្រាក់ ១០,០០០ ដុល្លារកើនឡើងដល់ ៦១,១៥៩ ដុល្លារ ខណៈដែលសមាជិកសភាម្នាក់ដែលមានអត្ថប្រយោជន៍បន្ថែម ៦ ភាគរយ នឹងឃើញចំនួនកើនឡើងដល់ ១៦៧,៧៦៥ ដុល្លារ ពោលជិតបីដងនៃចំនួនដែលប្រជាជនសាមញ្ញរកបាន ។
ខណៈដែលក្នុងឆ្នាំ ២០១២ សភាបានអនុម័តច្បាប់មួយដែលតម្រូវឲ្យមានការរាយការណ៍អំពីការជួញដូរភាគហ៊ុនដោយសមាជិកសភា ការផាកពិន័យចំពោះការមិនអនុលោមតាមច្បាប់នេះគឺតិចតួចប៉ុណ្ណោះ ។ សារព័ត៌មាន Business Insider បានរាយការណ៍ថា នៅឆ្នាំនេះសមាជិកសភាចំនួន ៣៧ នាក់បានបរាជ័យក្នុងការរាយការណ៍អំពីការជួញដូរភាគហ៊ុនទាន់ពេលវេលា ។
Business Insider បាននិយាយថា “ខណៈពេលដែលអ្នកតាក់តែងច្បាប់ដែលបំពានច្បាប់ភាគហ៊ុន (STOCK) ប្រឈមនឹងការផាកពិន័យ ការផាកពិន័យជាធម្មតាគឺ ២០០ ដុល្លារ ប៉ុន្តែអាចត្រូវបានលើកលែងដោយមន្រ្តីក្រមសីលធម៌សភា ឬព្រឹទ្ធសភា” ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ កូរ៉េខាងជើង ចោទ ទីក្រុងវ៉ាស៊ីនតោន កំពុងបង្កើនភាពតានតឹង និងចង់បង្កសង្គ្រាមនៅឧបទ្វីបកូរ៉េ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង