ព័ត៌មានអន្ដរជាតិ

ពលរដ្ឋអាមេរិក៦៦លាននាក់ទៀតនៅតែមិនទាន់ព្រមចាក់វ៉ាក់សាំង

បានផុស

៥ years មុន

នៅ

ថ្ងៃសុក្រ ១៥ តុលា ២០២១

ដោយ

កាលពីម្សិលមិញនេះប្រធានាធិបតីសហរដ្ឋអាមេរិក លោក ចូ បៃដិន បានលើកឡើងពីជោគជ័យនៃការអនុវត្តវិធានការចាក់វ៉ាក់សាំងបង្ការកូវីដ-១៩នៅសហរដ្ឋអាមេរិក ប៉ុន្តែលោកបានបញ្ជាក់ថា ត្រូវប្រឹងបន្ថែមទៀត ពីព្រោះនៅមានពលរដ្ឋ៦៦លាននាក់ទៀតមិនទាន់ចាក់។

មន្ត្រីរបស់រដ្ឋបាល ចូ បៃដិន បាននិយាយកាលពីថ្ងៃពុធថា អត្រាចាក់វ៉ាក់សាំងបង្ការកូវីដ-១៩នៅអាមរិកបានកើនឡើងវិញជាង២០% បន្ទាប់ពីរដ្ឋាភិបាលអនុម័តវិធានការបន្តបន្ទាប់ដើម្បីបង្ខំឲ្យពលរដ្ឋចាក់ក្នុងរយៈពេលថ្មីៗនេះ ខណៈចំនួនឆ្លង និងស្លាប់ថ្មីបានថយចុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីខែកក្កដា លោក ចូ បៃដិន បានសម្រេចឲ្យបុគ្គលិករដ្ឋាភិបាលទាំងអស់ត្រូវតែចាក់វ៉ាក់សាំង ឬធ្វើតេស្តជាប្រចាំ។ ក្នុងខែកញ្ញា លោកនិយាយទៀតថា បុគ្គលិករដ្ឋាភិបាលត្រូវការចាក់វ៉ាក់សាំង ឬក៏ត្រូវប្រឈមនឹងបាត់បង់ការងារ ហើយក្រុមហ៊ុនឯកជនធំៗត្រូវចាក់ ឬធ្វើតេស្តជាប្រចាំ។

មួយរយៈពេលចុងក្រោយនេះ រដ្ឋមួយចំនួន ក៏ដូចជាក្រុមហ៊ុនឯកជនធំៗនៅសហរដ្ឋអាមេរិកបានផ្អាកបុគ្គលិកពីការងារដោយមិនផ្តល់ប្រាក់ខែ ឬបញ្ឈប់ពីការងារតែម្តងដោយសារពួកគេមិនព្រមចាក់វ៉ាក់សាំង។

លោក បៃដិន មានប្រសាសន៍ថា ៖«វិធានការឲ្យចាក់វ៉ាក់សាំងដែលយើងបានចាប់ផ្តើមកាលពីរដូវក្តៅមកកំពុងដំណើការ»។ លោកកត់សំគាល់ថា ច្បាប់ពេញលេញស្តីពីតម្រូវការចាក់វ៉ាក់សាំងរបស់ក្រសួងការងារសម្រាប់អាជីវកម្មនឹងមកដល់ឆាប់ៗ។

លោកថា ៖«យើងនៅមានមនុស្ស៦៦លាននាក់ទៀត នៅតែមិនទាន់ចាក់វ៉ាក់សាំងដែលនេះជាចំនួនដ៏ច្រើន។ យើងមិនអាចឈប់បានទេឥឡូវនេះ»។

តាមទីភ្នាក់ងារសារព័ត៌មាន Reuters ចុងក្រោយបំផុតបង្ហាញថា ប្រជាជនអាមេរិកប្រមាណ៦៦.៣លាននាក់បានចាក់វ៉ាក់សាំងបង្ការកូវីដយ៉ាងហោចណាស់១ដូស និងប្រមាណ៥៧.៣%ចាក់ពេញដូស។ ប៉ុន្តែមន្ត្រីរដ្ឋាភិបាលអាមេរិកនិយាយនៅថ្ងៃពុធថា ពលរដ្ឋអាមេរិក៧៧%ហើយបានចាក់វ៉ាក់សាំងហោចណាស់១ដូស៕

ប្រែសម្រួល៖ វីរបុត្រ
ប្រភព៖ Reuters

Related Topics:សហរដ្ឋអាមេរិក