ព័ត៌មានអន្ដរជាតិ

អ្នកសារព័ត៌មានចង់សួរលោក បៃដិន លុះត្រាតែគាត់ចុចឈ្មោះ

បានផុស

៥ years មុន

នៅ

ថ្ងៃពុធ ៣ វិច្ឆិកា ២០២១

ដោយ

ប្រធានាធិបតីអាមេរិកលោក ចូ បៃដិន ត្រូវគេថតបានកាន់បញ្ជីឈ្មោះអ្នកសារព័ត៌មាន ដែលគាត់ត្រូវបានអនុញ្ញាតឲ្យនិយាយ និងសួរសំណួរ ក្នុងអំឡុងសន្និសីទសារព័ត៌មាននៅឯកិច្ចប្រជុំកំពូលក្រុមប្រទេស G-20 នៅទីក្រុងរ៉ូម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូមួយបង្ហាញថា លោក បៃដិន បានលូកដៃទៅហោប៉ៅរបស់គាត់ ដើម្បីយកបញ្ជីឈ្មោះអ្នកសារព័ត៌មានដែលបានអនុញ្ញាតឲ្យចូល និងសួរសំណួរ ។

លោក បៃដិន បានប្រាប់ប្រព័ន្ធផ្សព្វផ្សាយ មុនពេលលោកថ្លែងជាផ្លូវការថា “ខ្ញុំរីករាយក្នុងការទទួលយកសំណួរមួយចំនួន ។ ខ្ញុំត្រូវបានគេប្រាប់ឲ្យចាប់ផ្តើមសំណួរជាមួយសារព័ត៌មាន AP គឺលោក Zeke Miller” ។

កាលពីសប្តាហ៍មុន ពេលកំពុងនិយាយជាមួយសិស្សសាលាក្មេងៗនៅរដ្ឋ New Jersey លោកប្រធានាធិបតីបានចង្អុលទៅកាន់ប្រព័ន្ធផ្សព្វផ្សាយ ហើយនិយាយថា “ពួកគេនៅជាមួយអ្នកគ្រប់ពេលវេលា” ។

លោក បៃដិន បាននិយាយថា “ពួកគេអាចសួរអ្នករាល់សំណួរគ្រប់ប្រភេទ ហើយអ្នកក៏អាចព្យាយាមរកវិធីដែលអ្នកអាចជៀសវាងការឆ្លើយសំណួរទាំងនោះនៅពេលខ្លះផងដែរ” ៕