ព័ត៌មានអន្ដរជាតិ

ប្រជុំម្សិលមិញ តែអាមេរិកនឹងធ្វើពហុការការទូតកីឡាអូឡាំពិកនៅចិន តែអត្តពលិកអាចចូលរួមប្រកួតបាន

បានផុស

៥ years មុន

នៅ

ថ្ងៃពុធ ១៧ វិច្ឆិកា ២០២១

ដោយ

សហរដ្ឋអាមេរិកនឹងធ្វើពហិការការទូតពីកីឡាអូឡាំពិករដូវរងានៅប្រទេសចិន ហើយនឹងមិនបញ្ជូនគណៈប្រតិភូផ្លូវការទៅចូលរួមប្រកួតឡើយដើម្បីជាការឆ្លើយតបនឹងការរំលោភសិទ្ធិមនុស្ស។ នេះបើយោងតាមសេចក្តីរាយការណ៍មួយកាលពីថ្ងៃអង្គារ៍។

សេចក្តីរាយការណ៍នេះបានកើតមាននៅថ្ងៃ បន្ទាប់ពីកិច្ចប្រជុំតាមអនឡាញរវាងលោកប្រធានាធិបតី ចូ បៃដិន និងលោកប្រធានាធិបតី ស៊ី ជីនពីង ដែលមានបញ្ហាប្រឈមជាច្រើនត្រូវបានលើកឡើង ប៉ុន្តែកីឡាអូឡាំពិកបែរជាមិនបានលើកឡើងទេ បើទោះជាមានសេចក្តីរាយការណ៍មុនៗថា លោក ស៊ី នឹងបញ្ជូនលិខិតអញ្ជើញទៅអាមេរិកដើម្បីចូលរួមប្រកួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអ្នកសរសេរអត្ថបទនៅកាសែត Washington Post លោក Josh Rogin ដែលបានសរសេរអំពីគោលនយោបាយចិនទូលំទូលាយបានឲ្យដឹងថា អនុសាសន៍ផ្លូវការមួយសម្រាប់ការធ្វើពហិការការទូតត្រូវបានផ្តល់ទៅលោក បៃដិន ហើយលោកត្រូវបានគេរំពឹងថា នឹងអនុម័តលើអនុសាសន៍មុនដាច់ខែនេះពោលគឺមុនពេលពីរខែដែលកីឡាអូឡាំពិករដូវរងានឹងចាប់ផ្តើមនាខែកុម្ភៈ ឆ្នាំ២០២២ខាងមុខ។

ទោះបីជាយ៉ាងណា ស្ថិតក្រោមការធ្វើពហិការការទូតបែបនេះ អត្តពលិកអាមេរិកនៅតែអាចចូលរួមប្រកួតធម្មតាក្នុងនាមមិនពាក់ព័ន្ធនឹងរឿងនយោបាយ ហើយមិនមានគណៈប្រតិភូនយោបាយពោលគឺគ្មានមន្ត្រីរដ្ឋាភិបាលអាមេរិករួមដំណើរជាផ្លូវការជាមួយទេ។

នៅពេលសួរឲ្យបញ្ជាក់ មន្ត្រីរដ្ឋបាលអាមេរិកជាន់ខ្ពស់ លោក Andrew Bates អ្នកនាំពាក្យរងរបស់សេតវិមានបាននិយាយថា ៖«យើងមិនមានការធ្វើបច្ចុប្បន្នភាពផ្លូវការណាមួយអំពីគោលជំហរអាមេរិកទេ»។ លោកថា កីឡាអូឡាំពិកមិនមែនជាផ្នែកនៃកិច្ចសន្ទនារវាងលោក បៃដិន និងលោក ស៊ី ទេ។

រដ្ឋបាលប្រធានាធិបតី ចូ បៃដិន បានប្រកាន់ភ្ជាប់នូវការប្តេជ្ញាចិត្តរបស់ខ្លួនថា ការដាក់ពន្ធនាគារដ៏ធំ និងការក្រៀវដោយបង្ខំនៃចំនួនប្រជាជនមូស្លីម Uyghur នៅចិនគឺជាអំពើប្រល័យពូជសាសន៍។ អាមេរិកក៏បានរិះគន់ចំពោះការគៀបសង្កត់លើលទ្ធិប្រជាធិបតេយ្យនៅទីក្រុងហុងកុង និងទីបេ។

ឥស្សរជននយោបាយលេចធ្លោរបស់គណបក្សប្រជាធិបតេយ្យ និងសាធារណៈបានអំពាវនាវឲ្យមានការធ្វើពហិការការទូតដែលអាចជាការផ្ញើសារមិនយល់ព្រម ប៉ុន្តែមិនប៉ះពាល់ដល់អត្តពលិករបស់អាមេរិកទេ។

រដ្ឋបាលរបស់លោក បៃដិន នឹងបញ្ជាក់ទៅសម្ព័ន្ធមិត្តរបស់ខ្លួនអំពីការធ្វើពហិការការទូត ប៉ុន្តែនឹងទុកឲ្យប្រទេសសម្ព័ន្ធមិត្តធ្វើការសម្រេចចិត្តផ្ទាល់ខ្លួន៕

ប្រែសម្រួល៖ វីរបុត្រ
ប្រភព៖ theguardian