ព័ត៌មានអន្ដរជាតិ
ទាហានអ៊ីស្រាអែលបាញ់សម្លាប់ក្មេងអាយុ ១៣ ឆ្នាំម្នាក់ អំឡុងការតវ៉ាប្រឆាំងការតាំងទីលំនៅនៃតំបន់ West Bank
ក្រសួងសុខាភិបាលប៉ាឡេស្ទីនបាននិយាយថា ក្មេងជំទង់ប៉ាឡេស្ទីនម្នាក់បានស្លាប់ បន្ទាប់ពីត្រូវទាហានអ៊ីស្រាអែលបាញ់ចំ ពោះ ពេលកំពុងធ្វើការតវ៉ានៅតំបន់ West Bank ខណៈក្រុមមន្រ្តីអ៊ីស្រាអែលបដិសេធថា កងកម្លាំងរបស់ពួកគេមិនបានបាញ់គ្រាប់ពិតនោះទេ ។
យោងតាមសេចក្តីថ្លែងការណ៍របស់ក្រសួងសុខាភិបាលដែលបង្ហោះលើហ្វេសប៊ុកបានឲ្យដឹងថា ក្មេងប្រុសអាយុ ១៣ ឆ្នាំត្រូវបានបញ្ជូនទៅកាន់មន្ទីរពេទ្យក្នុងទីក្រុង Ramallah ក្នុងស្ថានភាពធ្ងន់ធ្ងរ បន្ទាប់មកគាត់បានស្លាប់ដោយសាររបួសរបស់គាត់ ។
ស្រ្តីអ្នកនាំពាក្យយោធាអ៊ីស្រាអែលបាននិយាយថា យោធារបស់ខ្លួនបានប្រើវិធីបំបែកបាតុកម្មប្រឆាំងនឹងប្រជាជនប៉ាឡេស្ទីនដែលកំពុងគប់ដុំថ្ម និងដុតកង់ឡាននៅក្នុងភូមិ al-Mughayir ចម្ងាយប្រមាណ ២៧ គីឡូម៉ែត្រភាគឦសាននៃទីក្រុង Ramallah ។
លោកស្រីបាននិយាយថា “របាយការណ៍អំពីការប្រើប្រាស់ការបាញ់គ្រាប់ពិតក្នុងអំឡុងបាតុកម្មនេះមិនពិតនោះទេ ហើយការអះអាងអំពីចំនួនអ្នកធ្វើបាតុកម្មដែលរងរបួស និងមនុស្សម្នាក់ស្លាប់ត្រូវបានគេដឹង” ។
ទោះយ៉ាងណាប្រព័ន្ធផ្សព្វផ្សាយប៉ាឡេស្ទីនបានរាយការណ៍ថា ការបាញ់គ្រាប់ពិត និងឧស្ម័នបង្ហូរទឹកភ្នែកត្រូវបានប្រើដើម្បីប្រឆាំងនឹងក្រុមបាតុករ ខណៈដែលបុរស ៤ នាក់បានរងរបួស ក្នុងអំឡុងការហែក្បួនដែលត្រូវបានគេរាយការណ៍ថាបានធ្វើបាតុកម្មប្រឆាំងនឹងផែនការរបស់អ៊ីស្រាអែលដើម្បីពង្រីកការតាំងទីលំនៅនៅតំបន់ West Bank ខណៈមេភូមិ al-Mughayir បានប្រាប់អ្នកយកព័ត៌មានថា ក្មេងនេះត្រូវបានគេបាញ់ក្បែរច្រកចូលភូមិ ។
ក្រសួងការបរទេសប៉ាឡេស្ទីនបាននិយាយនៅក្នុងសេចក្តីថ្លែងការណ៍មួយអំពីការស្លាប់នេះថា “ឧក្រិដ្ឋកម្មដ៏អាក្រក់នេះគឺជាឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងនឹងមនុស្សជាតិ” ។
កាលពីសប្តាហ៍មុនអ្នកបើកបរប៉ាឡេស្ទីនម្នាក់ត្រូវបានបាញ់សម្លាប់ បន្ទាប់ពីគាត់បានចោទប្រកាន់ថាបានព្យាយាមបើកឡានបុកចូលក្នុងប៉ុស្តិ៍ត្រួតពិនិត្យរបស់ប៉ូលិសអ៊ីស្រាអែលនៅខាងក្រៅក្រុង Jerusalem ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ អ៊ីស្រាអែលទទួលនាវាចម្បាំងទំនើបបំផុតរបស់ខ្លួន ស្របពេលមានភាពតានតឹងកើនឡើងជាមួយអ៊ីរ៉ង់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ