ជប៉ុនបំពាក់ប្រព័ន្ធរ៉ាដា Aegis លើនាវាចម្បាំងប្រឆាំងការបាញ់មីស៊ីលផ្លោងរបស់កូរ៉េខាងជើង

សារព័ត៌មាន Asahi បានរាយការណ៍នៅថ្ងៃចន្ទ ទី ៧ ខែធ្នូ នេះថា ជប៉ុននឹងបំពាក់ប្រព័ន្ធរ៉ាដា Aegis ដ៏មានឥទ្ធិពលលើនាវាចម្បាំងរបស់ខ្លួនដើម្បីបង្កើននូវសមត្ថភាពការពារខ្លួនប្រឆាំងនឹងមីស៊ីលផ្លោងអន្តរទ្វីបដែលបាញ់ដោយកូរ៉េខាងជើង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយដកស្រង់ប្រភពដែលមិនស្គាល់អត្តសញ្ញាណ កាសែតដដែលបាននិយាយថា រដ្ឋាភិបាលរបស់លោកនាយករដ្ឋមន្រ្តី Yoshihide Suga ទំនងជានឹងអនុម័តនូវផែនការរបស់ក្រុមប្រឹក្សាសន្តិសុខជាតិរបស់ប្រទេសមុនដំណាច់ឆ្នាំនេះ ទោះបីមិនទាន់មានសេចក្តីសម្រេចចិត្តណាមួយស្តីពីប្រភេទនាវាចម្បាំង ឬតម្លៃដែលត្រូវដាក់ដំឡើងប្រព័ន្ធនេះក៏ដោយ ។

ការបំពាក់ប្រព័ន្ធរ៉ាដា Aegis ថ្មីនេះអាចចំណាយប្រាក់ទ្វេដង និងត្រូវការពេល ៣ ឆ្នាំ ហើយត្រូវគេរំពឹងថានឹងចំណាយថវិកាប្រមាណ ២ ពាន់លានដុល្លារដើម្បីសាងសង់ ។

ទន្ទឹមនោះប្រសិនបើប្រព័ន្ធរ៉ាដា Aegis បំពាក់ជាមួយប្រព័ន្ធរ៉ាដា SPY-7 របស់ក្រុមហ៊ុន Lockheed Martin នោះវានឹងមានសមត្ថភាពក្នុងការចាប់សញ្ញាមីស៊ីលបាន ៣ ដងច្រើនជាងមុន ហើយវាក៏មានសមត្ថភាពស្ទាក់ចាប់មីស៊ីលផ្លោងបំពាក់ក្បាលគ្រាប់នុយក្លេអ៊ែរដែលបាញ់ដោយកូរ៉េខាងជើង ចិន និងរុស្ស៊ីជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS