Connect with us

ព័ត៌មានអន្ដរជាតិ

បណ្ដាញ 5G របស់ ថៃ មិនមានបញ្ហាដល់យន្តហោះឡើយ

បានផុស

នៅ

បន្ទាប់ពីរលកនៃការលុបចោលជើងហោះហើរ និងកាលវិភាគក្រុមហ៊ុនអាកាសចរណ៍ទៅកាន់សហរដ្ឋអាមេរិក អាជ្ញាធរអាកាសចរណ៍ស៊ីវិលនៃប្រទេសថៃ (CAAT) បានបញ្ជាក់ថា សញ្ញា 5G នៅក្នុងប្រទេសថៃមិនមានផលប៉ះពាល់អវិជ្ជមានលើយន្តហោះ ឬឧបករណ៍ហោះហើរនោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

CAAT បានពន្យល់ថា នៅក្នុងប្រទេសថៃ កម្រិតបញ្ជូន 5G គឺស្ថិតនៅលើរលកចម្ងាយខុសពីអ្វីដែលប្រើក្នុងបច្ចេកវិទ្យាអាកាសចរណ៍ ។ អាជ្ញាធរអាកាសចរណ៍របស់ប្រទេសថៃក៏បាននិយាយផងដែរថា ពួកគេបានឃ្លាំមើលយ៉ាងដិតដល់នូវស្ថានភាព 5G ចាប់តាំងពីឆ្នាំមុន ។

បញ្ហានេះត្រូវបានលើកឡើងនៅក្នុងសហរដ្ឋអាមេរិក បន្ទាប់ពីការដាក់ឲ្យដំណើរការប្រព័ន្ធ 5G ដោយក្រុមហ៊ុន AT&T Inc. និង Verizon Communications Inc. នៅជិតអាកាសយានដ្ឋានអាមេរិកអាចរំខានដល់ប្រព័ន្ធសុវត្ថិភាពសំខាន់ៗ ។

អ្នកជំនាញជាច្រើនបានប្រកាសភ្លាមៗថា នេះគឺជាបញ្ហាតែមួយគត់សម្រាប់សហរដ្ឋអាមេរិក ហើយប្រទេសផ្សេងទៀតមិនជួបប្រទះនឹងហានិភ័យណាមួយឡើយ ។ ឥឡូវនេះប្រទេសថៃក៏បានឆ្លើយតបនឹងបញ្ហានេះផងដែរ ដោយបញ្ជាក់ថា ប្រព័ន្ធ 5G នៅក្នុងប្រទេសនេះប្រើប្រាស់ប្រេកង់ ២.៦ ជីហ្គាហឺត (GHz) ដែលជាចម្ងាយសុវត្ថិភាពពីឧបករណ៍វាស់ស្ទង់វិទ្យុនៅក្នុងយន្តហោះ Boeing ដែលដំណើរការចន្លោះពី ៤.២ និង ៤.៤ ជីហ្គាហឺត ។

ចំណែកនៅសហរដ្ឋអាមេរិក ប្រព័ន្ធ 5G ត្រូវបានអនុញ្ញាតឲ្យធ្វើប្រតិបត្តិការក្នុងចន្លោះពី ៣.៧ ទៅ ៣.៩៨ ជីហ្គាហឺត ដែលនៅជិតពេកសម្រាប់សុវត្ថិភាពពីឧបករណ៍វាស់កម្ពស់ជូនដំណឹងដល់អ្នកបើកយន្តហោះអំពីចម្ងាយរបស់ពួកគេទៅដី ហើយមានសារៈសំខាន់ក្នុងការចុះចតដោយសុវត្ថិភាព  ជាពិសេសក្នុងអាកាសធាតុអាក្រក់ ឬភាពមើលឃើញទាប ។

CAAT នៅក្នុងប្រទេសថៃ ថែមទាំងបាននិយាយថា អស់រយៈពេល ៧ ខែមកនេះ ពួកគេបានជូនដំណឹងដល់ក្រុមហ៊ុនអាកាសចរណ៍នានា ដើម្បីឲ្យប្រាកដថា ពួកគេដឹងពីប្រេកង់ដែល 5G កំពុងដំណើរការ ដោយធ្វើការទំនាក់ទំនងជាពិសេស បន្ទាប់ពីត្រូវបានប្រាប់ដោយរដ្ឋបាលអាកាសចរណ៍សហព័ន្ធអាមេរិក និងអង្គការអាកាសចរណ៍ស៊ីវិលអន្តរជាតិនៃជម្លោះដែលអាចកើតមាន ៕

ប្រែសម្រួលដោយ ៖ ជីវ័ន្ត

ប្រភព ៖ Thaiger

ចុចអាន ៖ ក្រុមហ៊ុនអាកាសចរណ៍ជុំវិញពិភពលោកផ្អាកជើងហោះហើរទៅ អាមេរិក ដោយសារប្រព័ន្ធ 5G

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ២ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ២ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ២ ម៉ោង មុន

ក្រុមហ៊ុន​ អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ  

ជីវិតកម្សាន្ដ២ ម៉ោង មុន

ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម