ព័ត៌មានអន្ដរជាតិ
ពិភពលោក កំពុងជួបបញ្ហាកាន់តែអាក្រក់ទៅៗចំនួន ៣
អគ្គលេខាធិការអង្គការសហប្រជាជាតិ (UN) លោក Antonio Guterres បានចង្អុលបង្ហាញថា ពិភពលោកកាន់តែអាក្រក់ទៅៗជាងកាលពី ៥ ឆ្នាំមុន ដោយសារតែជំងឺរាតត្បាតកូវីដ ១៩ វិបត្តិអាកាសធាតុ និងភាពតានតឹងភូមិសាស្ត្រនយោបាយដែលបានបង្កឲ្យមានជម្លោះនៅគ្រប់ទីកន្លែង ។
លោកបានលើកឡើងពីអាទិភាពបន្ទាន់ចំនួន ៣ ដែលកំពុងធ្វើឲ្យពិភពលោកព្រួយបារម្ភយ៉ាងខ្លាំង ទី ១ គឺកង្វះការចាក់វ៉ាក់សាំងនៅក្នុងផ្នែកធំៗនៃពិភពលោក ជាពិសេសនៅទ្វីបអាហ្រ្វិក ។ ទី ២ គឺតម្រូវការកាត់បន្ថយការបំភាយឧស្ម័ន ៤៥ ភាគរយនៅក្នុងទសវត្សរ៍នេះ ក៏ដូចជាកំណត់ការឡើងកម្ដៅផែនដីនាពេលអនាគតដល់ ១.៥ អង្សាសេ និងទី ៣ គឺស្ថានភាពហិរញ្ញវត្ថុដ៏អយុត្តិធម៌បំផុតនៅលើពិភពលោកដែលអនុគ្រោះដល់ប្រទេសអ្នកមាន ។
ប្រទេសកំពុងអភិវឌ្ឍន៍ជាច្រើនមានធនធានតិចតួចណាស់ មានបំណុលខ្ពស់ ហើយពួកគេបង់អត្រាការប្រាក់ខ្ពស់ជាងនៅអឺរ៉ុប ឬអាមេរិកខាងជើង មិនមានវ៉ាក់សាំង និងទទួលរងឥទ្ធិពលនៃការប្រែប្រួលអាកាសធាតុមិនសមាមាត្រ ។
លោក Guterres បាននិយាយថា “ខ្ញុំសង្ឃឹមថា យើងស្ថិតក្នុងស្ថានភាពមួយដែលវាអាចនឹងអាចកើតមានក្នុងពេលឆាប់ៗនេះក្នុងការបញ្ឈប់អរិភាព ហើយនោះជាកន្លែងដែលខ្ញុំផ្តោតការខិតខំប្រឹងប្រែងភាគច្រើនរបស់ខ្ញុំ” ។
ជាចុងក្រោយលោក Guterres បាននិយាយថា ក្រុមប្រឹក្សាសន្តិសុខអង្គការសហប្រជាជាតិដែលមានអំណាចដើម្បីរក្សាសន្តិភាព និងសន្តិសុខអន្តរជាតិ រួមទាំងការដាក់ទណ្ឌកម្ម និងបញ្ជាឲ្យមានសកម្មភាពយោធា ត្រូវបានបែងចែក ជាពិសេសសមាជិកអចិន្ត្រៃយ៍វេតូទាំង ៥ ។ រុស្ស៊ី និងចិន តែងតែមានជម្លោះជាមួយសហរដ្ឋអាមេរិក អង់គ្លេស និងបារាំង លើបញ្ហាសំខាន់ៗ រួមទាំងទណ្ឌកម្មថ្មីប្រឆាំងនឹងកូរ៉េខាងជើងជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ ភ្ញាក់ផ្អើល! អាមេរិក ផ្តល់វ៉ាក់សាំងកូវីដដល់ កូរ៉េខាងជើង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង