ព័ត៌មានអន្ដរជាតិ

អ្នករកឃើញមេរោគ អេដស៍ ទទួលមរណភាពហើយ

បានផុស

២ years មុន

នៅ

ថ្ងៃសុក្រ ១១ កុម្ភៈ ២០២២

ដោយ

ទីភ្នាក់ងារសារព័ត៌មានបារាំង AFP បានរាយការណ៍ថា អ្នកជំនាញខាងមេរោគជនជាតិបារាំងលោក Luc Montagnier ដែលបានឈ្នះរង្វាន់ណូបែលក្នុងការរកឃើញមេរោគអេដស៍ (HIV) បានទទួលមរណភាពហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Montagnier បានស្លាប់កាលពីថ្ងៃអង្គារនៅមន្ទីរពេទ្យក្នុងទីក្រុង Neuilly-sur-Seine ជាយក្រុងភាគខាងលិចនៃទីក្រុងប៉ារីសប្រទេសបារាំង ។

កើតក្នុងឆ្នាំ ១៩៣២ នៅប្រទេសបារាំង និងស្លាប់ក្នុងវ័យ ៨៩ ឆ្នាំ លោក Montagnier គឺជាបណ្ឌិតផ្នែកមេរោគនៅសាកលវិទ្យាល័យប៉ារីស ។ ក្រោយមកលោកបានក្លាយជានាយកមូលនិធិពិភពលោកសម្រាប់ការស្រាវជ្រាវ និងការពារជំងឺអេដស៍នៅទីក្រុងប៉ារីស ។

ក្នុងប៉ុន្មានឆ្នាំមុនពេលចាប់ផ្តើមការរីករាលដាលនៃមេរោគអេដស៍ លោក Montagnier បានបង្កើតរបកគំហើញសំខាន់ៗទាក់ទងនឹងធម្មជាតិនៃមេរោគ និងបានរួមចំណែកដល់ការយល់ដឹងអំពីរបៀបដែលមេរោគអាចផ្លាស់ប្តូរព័ត៌មានហ្សែនរបស់សារពាង្គកាយផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Tuoi Tre

ចុចអាន ៖ មេរោគអេដស៍បំប្លែងខ្លួនប្រភេទថ្មី ឆ្លងកាន់តែខ្លាំង ធ្វើឲ្យធ្លាក់ខ្លួនឈឺកាន់តែលឿន (មានវីដេអូ)