ព័ត៌មានអន្ដរជាតិ
រុស្ស៊ី មិនជឿថាមានសង្គ្រាមនុយក្លេអ៊ែរ ប៉ុន្តែព្រមានទៅអាមេរិក និងអឺរ៉ុប (មានវីដេអូ)
រដ្ឋមន្ត្រីការបរទេសរុស្ស៊ី លោក Sergei Lavrov បាននិយាយកាលពីថ្ងៃព្រហស្បតិ៍ទី១០ខែមីនាថា លោកមិនជឿថា ជម្លោះនៅអ៊ុយក្រែន នឹងក្លាយទៅជាសង្គ្រាមនុយក្លេអ៊ែរទេ ប៉ុន្តែបានព្រមានសហរដ្ឋអាមេរិក និងអឺរ៉ុបថា ទីក្រុងមូស្គូនឹងមិនពឹងផ្អែកលើលោកខាងលិចទៀតឡើយ។
សេដ្ឋកិច្ចរបស់ប្រទេសរុស្ស៊ី កំពុងប្រឈមមុខនឹងវិបត្តិធ្ងន់ធ្ងរបំផុត ចាប់តាំងពីការដួលរលំនៃសហភាពសូវៀតឆ្នាំ១៩៩១មក បន្ទាប់ពីប្រទេសលោកខាងលិចបានដាក់ទណ្ឌកម្មយ៉ាងធ្ងន់ធ្ងរលើប្រព័ន្ធហិរញ្ញវត្ថុ និងសាជីវកម្មរបស់រុស្ស៊ីស្ទើរតែទាំងអស់ បន្ទាប់ពីការលុកលុយរបស់ទីក្រុងមូស្គូ លើអ៊ុយក្រែនកាលពីថ្ងៃទី២៤ខែកុម្ភៈ។
នៅពេលសួរដោយអ្នកឆ្លើយឆ្លងព័ត៌មានវិមានក្រឹមឡាំងថាតើ លោកគិតថាសង្រ្គាមនុយក្លេអ៊ែរអាចកើតឡើងទេ លោក Lavrov បានប្រាប់អ្នកយកព័ត៌មាននៅក្នុងប្រទេសតួកគីថា “ខ្ញុំមិនចង់ជឿទេ ហើយខ្ញុំមិនជឿទាល់តែសោះ”។
លោក Lavrov ដែលជារដ្ឋមន្ត្រីការបរទេសរបស់លោកប្រធានាធិបតី Vladimir Putin ចាប់តាំងពីឆ្នាំ២០០៤មក បាននិយាយថា ប្រធានបទនុយក្លេអែរត្រូវបានយកទៅពិភាក្សាតែដោយប្រទេសលោកខាងលិចប៉ុណ្ណោះ។
លោក Lavrov បាននិយាយបន្ទាប់ពីកិច្ចពិភាក្សានៅទីក្រុង Antalya ប្រទេសតួកគីជាមួយសមភាគីអ៊ុយក្រែនលោក Dmytro Kuleba ថា “ជាការពិតណាស់ យើងព្រួយបារម្ភ នៅពេលដែលប្រទេសលោកខាងលិច បន្តវិលត្រលប់មកវិញ និងត្រលប់ទៅរកប្រធានបទនេះ”។
ការនិយាយអំពីការវាយប្រហារដ៏មានសក្តានុពលរបស់រុស្ស៊ី លើអតីតរដ្ឋបាល់ទិករបស់សហភាពសូវៀត ដូចជា លីទុយអានី ឡាតវី និងអេស្តូនី ដែលឥឡូវនេះពួកគេសុទ្ធតែជាសមាជិកនៃសហភាពអឺរ៉ុប និងអង្គការណាតូ គឺហាក់ដូចជា “ការបោកបញ្ឆោតដ៏ចាស់គំរឹល”។
ស្របពេលជាមួយគ្នានោះដែរ លោក Lavrov និយាយថា ទីក្រុងមូស្គូកំពុងងាកចេញពីលោកខាងលិច ហើយនឹងទប់ទល់នឹងផលវិបាកសេដ្ឋកិច្ច។
លោកអះអាងថា “យើងនឹងងើបចេញពីវិបត្តិនេះជាមួយនឹងចិត្តវិទ្យា និងសតិសម្បជញ្ញៈ។ គ្មានអ្វីត្រូវសង្ស័យទេ លោកខាងលិចមិនអាចជាដៃគូដែលអាចទុកចិត្តបានឡើយ។ យើងនឹងធ្វើអ្វីគ្រប់យ៉ាងដើម្បីធានាថា យើងមិនពឹងផ្អែកលើលោកខាងលិចម្តងទៀតទេ នៅក្នុងជីវិតដ៏មានអត្ថន័យសំខាន់សម្រាប់ប្រជាជនរបស់យើង”។
គួរបញ្ជាក់ថា ប្រទេសរុស្ស៊ី និងសហរដ្ឋអាមេរិក មានឃ្លាំងអាវុធនុយក្លេអ៊ែរធំបំផុតបន្ទាប់ពីសង្គ្រាមត្រជាក់ ។
លោក Putin កាលពីថ្ងៃទី ២៧ ខែកុម្ភៈ បានបញ្ជាឲ្យកងកម្លាំងនុយក្លេអ៊ែររបស់រុស្ស៊ី ប្រុងជើងការខ្ពស់ ដោយលើកឡើងពីការដាក់ទណ្ឌកម្មរបស់លោកខាងលិចនិងវោហាសាស្រ្តយ៉ាងគឃ្លើនដោយសមាជិកឈានមុខនៃសម្ព័ន្ធមិត្តយោធាណាតូ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
ចុចអាន៖ លោក Putin មិនជំទាស់ ការចរចាដោយផ្ទាល់ ជាមួយប្រធានាធិបតី អ៊ុយក្រែន ទេ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល