ព័ត៌មានអន្ដរជាតិ

សេតវិមានមិនចាប់អារម្មណ៍សង្គ្រាមលោកលើកទី៣ទេ

បានផុស

៤ years មុន

នៅ

ថ្ងៃព្រហស្បតិ៍ ១៧ មីនា ២០២២

ដោយ

ប្រធានាធិបតីសហរដ្ឋអាមេរិក លោក ចូ បៃដិន ទំនងជាមិនចាប់អារម្មណ៍ចំពោះការអង្វរថ្មីបំផុតរបស់លោកប្រធានាធិបតីអ៊ុយក្រែន Volodymyr Zelensky សម្រាប់តំបន់គ្មានការហោះហើរចំពេលមានការវាយប្រហាររបស់ទីក្រុងមូស្គូនៅក្នុងប្រទេសអតីតសាធារណៈរដ្ឋសូវៀតដោយឈរលើគោលជំហរថា ទង្វើបែបនេះមានហានិភ័យខ្ពស់នៃសង្គ្រាមកាន់តែធំជាមួយរុស្ស៊ី។

រដ្ឋមន្ត្រីសារព័ត៌មានរបស់សេតវិមាន លោកស្រី Jen Psaki បានប្រាប់អ្នកកាសែតកាលពីថ្ងៃពុធថា ៖«ដូចយើងខ្ញុំបាននិយាយពីមុនអីចឹង តំបន់គ្មានការហោះហើរទាមទារការអនុវត្ត។ វាទាមទារឲ្យពួកយើងបាញ់ទម្លាក់យន្តហោះរុស្ស៊ីដ៏មានសក្តានុពល អង្គការណាតូបាញ់ទម្លាក់យន្តហោះរុស្ស៊ី»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបន្ថែមថា ៖«យើងមិនចាប់អារម្មណ៍ដែលនាំឲ្យកើតមានសង្គ្រាមលោកលើកទី៣ទេ»។

ការអត្ថាធិប្បាយរបស់លោកស្រី Psaki បានកើតមានឡើងនៅពេលអ្នកកាសែតម្នាក់បានសួរដែលក្នុងសុន្ទរកថារបស់លោក Zelensky កាលពីថ្ងៃពុធទៅកាន់សភាអាមេរិកថាតើមានសេណារីយ៉ូណាមួយដែលលោក បៃដិន ផ្លាស់ប្តូរគោលជំហរអំពីការដាក់ឲ្យមានតំបន់គ្មានការហោះហើរដើម្បីជួយការពារអ៊ុយក្រែនពីការវាយប្រហាររបស់រុស្ស៊ី។

រដ្ឋមន្ត្រីសារព័ត៌មានរូបនេះបាននិយាយថា លោក បៃដិត បានទស្សនាសុន្ទរកថារបស់លោក Zelensky និងបានរកឃើញថា វាងប់ងល់ និងមានឥទ្ធិពល» ប៉ុន្តែលោកប្រធានាធិបតីអាមេរិកបានធ្វើការសម្រេចចិត្ត«តាមរយៈសន្តិសុខជាតិផ្ទាល់ខ្លួន»។

លោក Zelensky បានប្រាប់ទៅកាន់សមាជិកសភាអាមេរិកតាមរយៈវីដេអូដោយបានប្រៀបធៀបវិបត្តិបច្ចុប្បន្ននៅអ៊ុយក្រែនទៅនឹងការវាយប្រហារក្នុងខែធ្នូ ឆ្នាំ១៩៤១របស់ប្រទេសជប៉ុនលើ Pearl Harbor និងការវាយប្រហារភេរវកម្ម ខែវិច្ឆិកា ឆ្នាំ២០០១នៅទីក្រុងញ៉ូវយ៉ក និងវ៉ាស៊ីនតោន។