ព័ត៌មានអន្ដរជាតិ
រដ្ឋមន្ត្រីការពារជាតិរុស្ស៊ីបាត់ខ្លួន ១២ថ្ងៃហើយ ខណៈមានពាក្យចចាមអារ៉ាមខុសៗគ្នា
ប្រមុខក្រសួងការពារជាតិរុស្ស៊ី លោក Sergei Shoigu មិនត្រូវបានគេឃើញជាសាធារណៈ អស់រយៈពេល១២ថ្ងៃមកហើយ។ នេះបើយោងតាមសេចក្តីរាយការណ៍របស់ប្រព័ន្ធផ្សព្វផ្សាយរុស្ស៊ី។
អ្នកកាសែតមកពីស្ថាប័នព័ត៌មានឯករាជ្យរបស់រុស្ស៊ី Mediazona និង Agentstvo បានអះអាងកាលពីថ្ងៃពុធទី២៣ខែមីនាថា លោក Shoigu មិនបានបង្ហាញមុខជាសាធារណៈចាប់តាំងពីថ្ងៃទី១១ខែមីនាមកម្ល៉េះ។
ស្របពេលជាមួយគ្នានោះ មានពាក្យចចាមអារ៉ាមថា លោក Shoigu មានសុខភាពមិនល្អ និងកំពុងជួបបញ្ហាបេះដូង ខណៈសារផ្សេងៗដែលកំពុងចែកចាយនៅលើអ៊ីនធឺណិតបង្ហាញថា លោក Shoigu អាចត្រូវបានបណ្តេញចេញពីក្រសួង និងកំពុងជាប់ឃុំក្នុងផ្ទះ។
ទោះបីជាយ៉ាងណាក៏ដោយ Fox News មិនទាន់ផ្ទៀងផ្ទាត់ លើការលើកឡើងទាំងនេះទេ។
លោក Shoigu ត្រូវបានគេឃើញជាសាធារណៈលើកចុងក្រោយ កាលពីថ្ងៃទី១១ខែមីនា ក្នុងពិធីប្រគល់រង្វាន់ដល់កងទ័ពរុស្ស៊ី ដែលវាយលុកអ៊ុយក្រែនក្នុងអ្វីដែលប្រធានាធិបតីរុស្ស៊ីលោក Vladimir Putin ហៅថា ជា “ប្រតិបត្តិការយោធាពិសេស”។
វិមានក្រឹមឡាំងបាននិយាយនៅក្នុងសេចក្តីថ្លែងការណ៍លើគេហទំព័ររបស់ខ្លួន កាលពីថ្ងៃទី១៨ខែមីនាថា លោក Shoigu មានវត្តមានក្នុងអំឡុងកិច្ចប្រជុំក្រុមប្រឹក្សាសន្តិសុខជាមួយលោក Putin ដើម្បីពិភាក្សាអំពីវឌ្ឍនភាពនៃប្រតិបត្តិការពិសេសនៅអ៊ុយក្រែន ប៉ុន្តែមិនមានរូបថតឬវីដេអូនៃកិច្ចប្រជុំនោះត្រូវបានបង្ហោះលើអ៊ីនធឺណិតទេ៕
ប្រែសម្រួល៖ Vann Vann
ប្រភព៖ FOX
ចុចអាន៖ ដោយសារហេតុផល២យ៉ាងនេះហើយ ទើប ឥណ្ឌា នៅស្ងៀមជុំវិញសង្គ្រាម រុស្ស៊ី-អ៊ុយក្រែន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»