ព័ត៌មានអន្ដរជាតិ
មហាសេដ្ឋី Abramovich ដើរតួនាទីដំបូងក្នុងការចរចាសន្តិភាពនៅអ៊ុយក្រែន
វិមានក្រឹមឡាំងនិយាយនៅថ្ងៃព្រហស្បតិ៍ថា មហាសេដ្ឋីរុស្ស៊ី លោក Roman Abramovich បានដើរតួនាទីពីដំបូងក្នុងកិច្ចពិភាក្សាសន្តិភាពរវាងរុស្ស៊ី និងអ៊ុយក្រែន ប៉ុន្តែដំណើរការឥឡូនេះស្ថិតក្នុងដៃរបស់ក្រុមចរចាទាំងពីរ។
លោក Abramovich ត្រូវបានអ៊ុយក្រែនស្នើឲ្យជួយសម្រុះសម្រួលដោយសារបទពិសោធរបស់លោកនៅរុស្ស៊ីជាកន្លែងដែលលោកបានបង្កើតទ្រព្យសម្បត្តិក្នុងសម័យកាលវឹកវរទសវត្សរ៍ឆ្នាំ១៩៩០នៃការធ្វើឯកជនភាវូបនីយកម្មក្រោយកុម្មុយនិស្ត។
អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកកាសែតថា ៖«លោកបានចូលរួមក្នុងដំណាក់កាលដំបូង។ ឥឡូវនេះ ការចរចាគឺរវាងភាគីទាំងពីរ រុស្ស៊ី និងអ៊ុយក្រែន»។
រុស្ស៊ី និងអ៊ុយក្រែនកំពុងពិភាក្សាអំពីកិច្ចព្រមព្រៀងសន្តិភាព ខណៈកងទ័ពរបស់ពួកគេកំពុងសម្លាប់គ្នាទៅវិញទៅមក ក្រោយពេលការផ្ទុះសង្គ្រាមកាលពីថ្ងៃទី២៤ ខែកុម្ភៈ ប៉ុន្តែបញ្ហាទឹកដីបានគំរាមកំហែងដល់ការចរចាលំអិត។ ការចរចានឹងចាប់ផ្តើមបន្តនៅថ្ងៃទី២៨ ខែកុម្ភៈទៀត។
ក្នុងការប៉ុនប៉ងដើម្បីបង្ខំឲ្យលោកប្រធានាធិបតីរុស្ស៊ី វ្លាឌីមៀរ ពូទីន ថយក្រោយពីសង្គ្រាមនៅអ៊ុយក្រែន ប្រទេសលោកខាងលិចបានដាក់ទណ្ឌកម្មលើមហាសេដ្ឋីរុស្ស៊ីជាច្រើនដូចជាលោក Abramovich ក្រុមហ៊ុនពាណិជ្ជកម្មរុស្ស៊ី និងមន្ត្រីរុស្ស៊ី ដែលកាត់បន្ថយសេដ្ឋកិច្ចរុស្ស៊ីយ៉ាងមានប្រសិទ្ធភាពពីលោកខាងលិច។
លោក Abramovich ដែលមានសញ្ជាតិជ្វីហ្វ និងអ៉ីស្រាអែលជាអ្នកជំនួញដ៏មានឥទ្ធិពលបំផុតម្នាក់ដែលទទួលបានទ្រព្យសម្បត្តិយ៉ាងសម្បើម បន្ទាប់ពីការបែកបាក់សហភាពសូវៀតឆ្នាំ១៩៩១។
រីកចម្រើនក្រោយវិបត្តិសូវៀតនៃទសវត្សរ៍ឆ្នាំ១៩៩០ក្រោមការគ្រប់គ្រងរបស់ប្រធានាធិបតី Boris Yeltsin លោក Abramovich បានទិញភាគហ៊ុនក្នុងក្រុមហ៊ុនប្រេង Sibneft ក្រុមហ៊ុនផលិតអាលុយមីញ៉ូម Rusal និងក្រុមហ៊ុនអាកាសចរណ៍ Aeroflot ដែលក្រោយមកបានលក់។
ស្ថិតក្រោមការគ្រប់គ្រងរបស់លោក ពូទីន លោក Abramovich បានកាន់តួនាទីជាអភិបាលនៃតំបន់ដាច់ស្រយាល Chukotka នៅចុងបូព៌ារបស់រុស្ស៊ីមុនពេលទិញក្លឹបបាល់ទាត់ Chelsea របស់លីគកំពូលអង់គ្លេសឆ្នាំ២០០៣៕
ប្រែសម្រួល៖ វីរបុត្រ
ប្រភព៖ reuters
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង