ប្រជាជនភ្ញាក់ផ្អើលខ្លាំង ពេលឃើញ Angelina Jolie ទៅដល់អ៊ុយក្រែនផ្ទាល់

អ្នកស្រី Angelina Jolie បានចុះទៅដល់អ៊ុយក្រែនដើម្បីជួបជាមួយកុមារដែលរងផលប៉ះពាល់ដោយជម្លោះ និងអង្គការក្នុងស្រុកដែលធ្វើការដើម្បីការពារពួកគេ ។

ក្នុងដំណើរនោះអ្នកស្រី Angelina Jolie ដែលជាបេសកជនពិសេសសម្រាប់ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន ក៏បានជួបជាមួយកុមារកំព្រា និងជនភៀសខ្លួន រួមទាំងក្មេងៗដែលត្រូវបានជម្លៀសចេញពីទីក្រុង Mariupol ក៏ដូចជាអ្នកស្ម័គ្រចិត្ត និងគ្រូពេទ្យអ៊ុយក្រែនដែលថែទាំពួកគេផងដែរ ។

ទន្ទឹមនោះ តារា​ស្រី​រូប​នេះ​ក៏​បាន​ធ្វើ​ឲ្យ​មនុស្ស​ម្នា​ភ្ញាក់​ផ្អើល​ក្នុង​ហាង​កាហ្វេ​មួយកន្លែងផងដែរ​ក្នុង​ទីក្រុង Lviv ភាគ​ខាង​លិច​ប្រទេស​អ៊ុយក្រែន ។

វីដេអូ​ដែល​បាន​បង្ហោះ​លើ​បណ្តាញ​សង្គម​បង្ហាញ​ពី​អ្នកស្រី​គ្រវីដៃ​ដាក់​អ្នក​មើល និងស៊ីញ៉េឈ្មោះសម្រាប់​អ្នក​គាំទ្ររបស់អ្នកស្រីផងដែរ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ BBC