ព័ត៌មានអន្ដរជាតិ

រឿងអាស្រូវអាសអាភាសជាបញ្ហាឈឺក្បាលថ្មីសម្រាប់លោក Boris Johnson

បានផុស

៤ years មុន

នៅ

ថ្ងៃចន្ទ ២ ឧសភា ២០២២

ដោយ

យោងតាមការចុះផ្សាយដោយសារព័ត៌មាន Wion បានឲ្យដឹងថា រឿងអាស្រូវអាសអាភាសគឺជាបញ្ហាឈឺក្បាលថ្មីសម្រាប់រដ្ឋាភិបាលចក្រភពអង់គ្លេសរបស់លោក Boris Johnson ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មួយរយៈពេលចុងក្រោយនេះរដ្ឋាភិបាលរបស់លោកនាយករដ្ឋមន្ត្រី Boris Johnson ជួបនឹងរឿងអាស្រូវជាបន្តបន្ទាប់ មុនពេលមានការបោះឆ្នោតក្នុងស្រុកដ៏សំខាន់ ។

ចំណែកប៉ុន្មានសប្តាហ៍កន្លងទៅនេះលោកនាយករដ្ឋមន្ត្រីខ្លួនឯងក៏ទើបតែត្រូវបានរងពិន័យពីបទបំពានច្បាប់កូវីដ ១៩ កាលពីឆ្នាំ ២០២០ ហើយក៏ប្រឈមនឹងការស៊ើបអង្កេតជុំវិញបទចោទប្រកាន់ថាតើលោកបានបំភាន់សភាអំពីការជួបជុំក្នុងពិធីជប់លៀងនៅ Downing Street ឬយ៉ាងណាផងដែរ ។

ទន្ទឹមនោះរឿងអាស្រូវអាសអាភាសដែលធ្វើឲ្យរដ្ឋាភិបាលរបស់លោក Boris Johnson ឈឺក្បាលផងដែរនោះក៏កើតឡើង ស្របពេលដែលសមាជិកសភាមួយមករូបពីគណបក្សអភិរក្សគឺលោក Neil Parish បានសារភាពថាមានចេតនាមើលរឿងអាសអាភាស ២ ដងក្នុងសភា ។

ពាក់ព័ន្ធនឹងរឿងអាស្រូវនេះដែរលោក Neil Parish ក៏បានប្រកាសកាលពីថ្ងៃសៅរថានឹងលាឈប់ពីសមាជិកសភានៃគណបក្សអភិរក្សរបស់លោក Boris Johnson ផងដែរ ៕