ប្រទេសមួយ អាមេរិក បារម្ភខ្លាំងជាង រុស្ស៊ី ទៅទៀត (មានវីដេអូ)

រដ្ឋលេខាធិការកងទ័ពអាកាសអាមេរិកលោក Frank Kendall បានប្រាប់ទស្សនិកជននៅវិទ្យាស្ថាន Brookings កាលពីថ្ងៃចន្ទទី២ខែឧសភាថា ប្រទេសចិនបានបង្កបញ្ហាប្រឈមរយៈពេលវែង និងការគំរាមកំហែងដល់សមត្ថភាពយុទ្ធសាស្ត្ររបស់សហរដ្ឋអាមេរិក ជាងរុស្ស៊ីទៅទៀត។

យោងតាមលោក Kendall, “​ក្នុង​ចំណោមប្រទេសទាំង២ ខ្ញុំ​បារម្ភ​ពី​ ​ចិន​ជាង​រុស្ស៊ី​ទៅ​ទៀត។ ពួកគេមានធនធាន ពួកគេមានសមត្ថភាព ហើយពួកគេមានចេតនា”។

លោក Kendall ពន្យល់ថា ប្រទេសចិនមានពេលវេលាដើម្បីពង្រឹងសមត្ថភាពយោធារយៈពេលវែង ដែលត្រូវបានរចនាឡើងជាមួយគោលបំណងកម្ចាត់សមត្ថភាពរយៈពេលវែងរបស់សហរដ្ឋអាមេរិក ដើម្បីបង្ហាញពីអំណាចរបស់ខ្លួននៅជុំវិញពិភពលោក។

លោកនិយាយថា “ប្រទេសចិន មានមហិច្ឆតាចង់ក្លាយជាមហាអំណាចនៅលើផែនដីនេះ។ ពួកគេមានមហិច្ឆតាចង់ក្លាយជាមហាអំណាចពិភពលោក ហើយដើម្បីធ្វើដូច្នេះ ពួកគេត្រូវតែផ្លាស់ប្តូរមូលដ្ឋានរបស់សហរដ្ឋអាមេរិក”។

ស្របពេលជាមួយគ្នានោះដែរ លោកមិនគិតថា ប្រទេសចិនចាប់អារម្មណ៍លើការពង្រីកទឹកដីណាមួយនោះទេ ប៉ុន្តែលោកលើកឡើងថា ចិនចាប់អារម្មណ៍លើឥទ្ធិពលសកលលោកតាមដែលអាចធ្វើទៅបាន ដូច្នេះពួកគេអាចកំណត់ច្បាប់សម្រាប់សេដ្ឋកិច្ចពិភពលោក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ អ៊ុយក្រែន បង្អាក់ ផែនការ រុស្ស៊ី ក្នុង ការ បាញ់ ទម្លាក់ យន្តហោះ ដឹក អ្នក ដំណើរ