ជំនិតលោក Biden តេស្តវិជ្ជមានកូវីដ-១៩

សមាជិកសភានៃគណបក្សប្រជាធិបតេយ្យសហរដ្ឋអាមេរិកលោក Cedric Richmond ដែលជាទីប្រឹក្សាជិតស្និទ្ធរបស់ប្រធានាធិបតីជាប់ឆ្នោត Joe Biden បានធ្វើតេស្តវិជ្ជមានជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមផ្ទេរអំណាចប្រធានាធិបតីបាននិយាយថា លោក Biden មិនត្រូវបានគេចាត់ទុកថាជាទំនាក់ទំនងជិតស្និទ្ធជាមួយលោក Richmond ទេដោយផ្អែកលើគោលការណ៍ណែនាំរបស់មជ្ឈមណ្ឌលគ្រប់គ្រងនិងបង្ការជំងឺ (CDC)។

លោក Richmond បានធ្វើដំណើរទៅរដ្ឋ Georgia ភាគខាងត្បូងសហរដ្ឋអាមេរិកជាមួយលោក Biden សម្រាប់យុទ្ធនាការនានាកាលពីថ្ងៃអង្គារ។ អន្តរកម្មរបស់ពួកគេបានកើតឡើងនៅក្នុងបរិយាកាសបើកចំហ មានពាក់ម៉ាស់និងមានរយៈពេលសរុបតិចជាង១៥នាទីជាប់គ្នាដែលជាពេលវេលាកំណត់របស់ CDC សម្រាប់ទំនាក់ទំនងជិតស្និទ្ធ។

យោងតាមរបាយការណ៍ពីគេហទំព័រ The Hill បានឲ្យដឹងថា លោក Biden បានធ្វើតេស្តអវិជ្ជមានចំពោះវីរុសកូរ៉ូណានៅថ្ងៃព្រហស្បតិ៍ដែលត្រូវនឹងថ្ងៃសុក្រនៅកម្ពុជា៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ លោក Biden នឹងចាក់វ៉ាក់សាំងកូវីដនៅដើមសប្តាហ៍ក្រោយ

ចុចអាន៖ សមាជិកព្រឹទ្ធសភាជាន់ខ្ពស់គណបក្សលោក Trump ព្រមទទួលស្គាល់ជ័យជម្នះរបស់លោក Biden