សមាជិកព្រឹទ្ធសភាជាន់ខ្ពស់គណបក្សលោក Trump ព្រមទទួលស្គាល់ជ័យជម្នះរបស់លោក Biden

កាលពីថ្ងៃអង្គារមេដឹកនាំសម្លេងភាគច្រើននៃព្រឹទ្ធសភាអាមេរិកលោក Mitch McConnell បានអបអរសាទរប្រធានាធិបតីជាប់ឆ្នោតលោក Joe Biden លើជ័យជម្នះនៃការបោះឆ្នោតរបស់លោកក្នុងរយៈពេល ៥ សប្តាហ៍ បន្ទាប់ពីយកឈ្នះលើលោកប្រធានាធិបតី Donald Trump ។

ថ្លែងក្នុងវិមានព្រឹទ្ធសភា អ្នកសាធារណរដ្ឋជាន់ខ្ពស់របស់ព្រឹទ្ធសភាបាននិយាយថា ពេលនេះលោក និងមនុស្សរាប់លាននាក់ផ្សេងទៀតទទួលបានលទ្ធផលបោះឆ្នោតផ្លូវការពីអង្គអ្នកបោះឆ្នោតតំណាង ។

លោក Mitch McConnell បាននិយាយថា “ដូច្នេះថ្ងៃនេះខ្ញុំចង់អបអរសាទរប្រធានាធិបតីជាប់ឆ្នោតលោក Joe Biden ។ ប្រធានាធិបតីជាប់ឆ្នោតមិនមែនជាមនុស្សចម្លែកសម្រាប់ព្រឹទ្ធសភាទេ។ គាត់បានលះបង់ខ្លួនឯងសម្រាប់សេវាកម្មសាធារណៈអស់រយៈពេលជាច្រើនឆ្នាំ ។ ខ្ញុំក៏ចង់អបអរសាទរដល់អនុប្រធានជាប់ឆ្នោតលោកស្រី Kamala Harris ក៏ដូចជាក្រុមការងាររបស់យើងមកពីរដ្ឋកាលីហ្វ័រញ៉ា” ។

លោកបាននិយាយថា “លើសពីនេះទៅទៀតជនជាតិអាមេរិកទាំងអស់អាចមានមោទនភាពដែលប្រទេសរបស់យើងមានអនុប្រធានាធិបតីជាស្ត្រីជាលើកដំបូង” ។

លោកស្រី Harris មិនត្រឹមតែជាស្ត្រីដំបូងគេដែលបានក្លាយជាប្រធានាធិបតីជាប់ឆ្នោតនោះទេ ប៉ុន្តែក៏ជាជនជាតិស្បែកខ្មៅ និងអាស៊ីកាត់អាមេរិកដំបូងគេដែលកាន់តំណែងនេះ ។

គួរបញ្ជាក់ថា លោក Joe Biden នឹងក្លាយជាប្រធានាធិបតីសហរដ្ឋអាមេរិកទី ៤៦ ហើយនឹងស្បថចូលកាន់តំណែងនៅថ្ងៃទី២០ ខែមករា ឆ្នាំ ២០២១ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ទីបំផុត ពូទីន ផ្ញើសារទៅ ចូ បៃដិន

ចុចអាន ៖ រុស្ស៊ីបាញ់មីស៊ីល៤គ្រាប់ កងទ័ពអាមេរិកផ្អើលពេញបន្ទាយ