លោក Zelensky ឲ្យ រុស្ស៊ី ត្រូវតែផ្ដល់សំណងដល់ជនរងគ្រោះ អ៊ុយក្រែន

ប្រធានាធិបតីអ៊ុយក្រែនលោក Volodymyr Zelensky បានអំពាវនាវនៅក្នុងសារវីដេអូដែលបានចេញផ្សាយកាលពីថ្ងៃសុក្រថាឲ្យមានកិច្ចសហប្រតិបត្តិការអន្តរជាតិដើម្បីធានាដល់ជនរងគ្រោះនៃសង្គ្រាមលុកលុយរបស់រុស្ស៊ីត្រូវបានផ្តល់សំណងសម្រាប់ការខាតបង់ដែលពួកគេទទួលរង ។

លោក​បាន​និយាយ​ថា “រុស្ស៊ី​គួរ​តែ​ផ្តល់​សំណង​សម្រាប់អ្វី​គ្រប់​យ៉ាង​ដែលពួកគេ​បាន​បំផ្លាញ​នៅ​អ៊ុយក្រែន ហើយលោកបានទាមទារសំណងសម្រាប់ផ្ទះដែលត្រូវបានឆេះ រាល់សាលារៀន និងមន្ទីរពេទ្យដែលខូចខាត ហេដ្ឋារចនាសម្ព័ន្ធ និងសហគ្រាសដែលត្រូវបានបំផ្លាញទាំងអស់” ។

លោក Zelensky បានបន្ថែមថា “យើងនឹងអញ្ជើញប្រទេសដៃគូឲ្យចូលរួមកិច្ចព្រមព្រៀងពហុភាគី ហើយក្រោមកិច្ចព្រមព្រៀងបែបនេះ មូលនិធិ និងទ្រព្យសម្បត្តិរបស់រុស្ស៊ីដែលស្ថិតនៅក្រោមយុត្តាធិការនៃប្រទេសដៃគូត្រូវតែរឹបអូស ឬបង្កក ហើយបន្ទាប់ពីរឹបអូស ត្រូវបញ្ជូនទៅមូលនិធិពិសេសដើម្បីផ្ដល់ឲ្យជនរងគ្រោះទាំងអស់ពីសង្គ្រាមលុកលុយរបស់រុស្ស៊ី ឲ្យទទួលបានសំណងសមរម្យ” ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី ថា អាមេរិក ពិតជាពាក់ព័ន្ធក្នុងគម្រោងមន្ទីរពិសោធន៍ជីវសាស្ត្រយោធានៅ អ៊ុយក្រែន