ព័ត៌មានអន្ដរជាតិ
ប្រទេសអឺរ៉ុបមួយ ឈានដល់កិច្ចព្រមព្រៀងឧស្ម័ន ជាមួយ រុស្ស៊ី (មានវីដេអូ)
ប្រធានាធិបតីស៊ែប៊ី លោក Aleksandar Vucic ប្រកាសថា លោកបានសម្រេចកិច្ចព្រមព្រៀងផ្គត់ផ្គង់ឧស្ម័នធម្មជាតិរយៈពេល៣ឆ្នាំ ជាមួយប្រទេសរុស្ស៊ី ចំពេលសហភាពអឺរ៉ុប កំពុងប្រឹងប្រែង បញ្ឈប់ការផ្គត់ផ្គង់ថាមពលរបស់រុស្ស៊ី។
ប្រធានាធិបតីស៊ែប៊ី បាននិយាយបន្ទាប់ពីបញ្ចប់កិច្ចព្រមព្រៀងនេះក្នុងអំឡុង កិច្ចសន្ទនាតាមទូរសព្ទជាមួយសមភាគីរុស្ស៊ីលោក វ្ល៉ាឌីមៀរ ពូទីនថា “អ្វីដែលខ្ញុំអាចប្រាប់អ្នកបានគឺថា យើងបានយល់ព្រមលើធាតុសំខាន់ៗដែលអំណោយផលសម្រាប់ប្រទេស ស៊ែប៊ី”។
លោក Vucic និយាយថា “យើងបានយល់ព្រមចុះហត្ថលេខាលើកិច្ចសន្យារយៈពេល ៣ ឆ្នាំ ដែលជាធាតុដំបូងនៃកិច្ចសន្យា ស័ក្តិសមនឹងភាគីស៊ែប៊ីខ្លាំងណាស់”។
កិច្ចព្រមព្រៀងឧស្ម័ន ទំនងជាត្រូវបានចុះហត្ថលេខាក្នុងអំឡុងពេលដំណើរទស្សនកិច្ចរបស់រដ្ឋមន្ត្រីការបរទេសរុស្ស៊ីលោក Sergey Lavrov ទៅកាន់ទីក្រុង Belgrade នៅដើមខែមិថុនា ដែលជាដំណើរទស្សនកិច្ចដ៏កម្ររបស់មន្ត្រីរុស្ស៊ីជាន់ខ្ពស់ ទៅកាន់ប្រទេសអឺរ៉ុបមួយ ចាប់តាំងពីការឈ្លានពានអ៊ុយក្រែន ផ្ទុះឡើងកាលពីខែកុម្ភៈ។
លោកអះអាងថា លោកចង់នាំប្រទេសស៊ែប៊ី ចូលក្នុងសហភាពអឺរ៉ុប ប៉ុន្តែបានចំណាយពេលប៉ុន្មានឆ្នាំថ្មីៗនេះពង្រឹងចំណងមិត្តភាពជាមួយរុស្ស៊ី ដែលជាសម្ព័ន្ធមិត្តដ៏យូរអង្វែង។
ស្របពេលជាមួយគ្នានោះ លោកក៏បានបដិសេធថ្កោលទោស ចំពោះការលុកលុយរបស់រុស្ស៊ីលើអ៊ុយក្រែន ហើយប្រទេសរបស់លោក ក៏មិនបានចូលរួមក្នុងការដាក់ទណ្ឌកម្ម របស់ប្រទេសលោកខាងលិចប្រឆាំងនឹងទីក្រុងមូស្គូដែរ។
គួរបញ្ជាក់ថា កិច្ចព្រមព្រៀងរបស់រុស្ស៊ីជាមួយស៊ែប៊ី ធ្វើឡើងបន្ទាប់ពីក្រុងមូស្គូ បានកាត់ផ្តាច់ការនាំចេញឧស្ម័នទៅកាន់សមាជិកសហភាពអឺរ៉ុបដូចជា ហ្វាំងឡង់ ប៉ូឡូញ និងប៊ុលហ្គារី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Al Jazeera
ចុចអាន៖ អ៊ុយក្រែន លាតត្រដាងទំហំទឹកប្រាក់ដែលខ្លួនទទួលបានពី លោកខាងលិច
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង