អាមេរិក មានការបាញ់សម្លាប់មនុស្សជាង ៧០០នាក់ ត្រឹម២សប្តាហ៍ ក្រោយហេតុការណ៍នៅ តិចសាស់ (មានវីដេអូ)

មានការបាញ់សម្លាប់ដោយកាំភ្លើងនៅរដ្ឋចំនួន ៤៣ ក្នុងចំណោមរដ្ឋចំនួន ៥០ របស់សហរដ្ឋអាមេរិក នារយៈពេលពីរសប្តាហ៍ ចាប់តាំងពីការបាញ់ប្រហារនៅសាលារៀនរដ្ឋ តិចសាស់។

ឧប្បត្តិហេតុជាង ៦៥០ លើកបានបណ្តាលឲ្យមនុស្សស្លាប់ ៧៣០នាក់ចាប់តាំងពីថ្ងៃទី ២៤ខែឧសភាមក។ នេះបើយោងតាមទិន្នន័យពីអង្គការចងក្រងអំពើហិង្សាដោយកាំភ្លើង។

ក្នុងនោះ ២៣នាក់នៃអ្នកស្លាប់គឺជាកុមារ ពោលគឺច្រើនជាងចំនួនសរុបនៃអ្នកដែលត្រូវសម្លាប់នៅទីក្រុង Uvalde ខណៈ៦៦នាក់គឺជាក្មេងជំទង់។

តួលេខនេះ បានបង្ហាញជាបញ្ហាចោទដ៏ធំ សម្រាប់អ្នកនយោបាយក្នុងវិមាន Capitol Hill នៅពេលដែលពួកគេ ព្យាយាមស្វែងរកហេតុផលរួម អំពីរបៀបដើម្បីធ្វើកំណែទម្រង់ច្បាប់កាំភ្លើងរបស់អាមេរិក។

ទោះបីជាយ៉ាងណាក៏ដោយ ក្នុងរយៈពេលប្រាំមួយខែដំបូងនៃឆ្នាំ២០២២នេះ មានការបាញ់ប្រហារសម្លាប់រង្គាលជិត២៥០លើក ដែលជាអត្រាប្រហាក់ប្រហែលនឹងឆ្នាំមុន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ ញូវយ៉ក បង្កើនអាយុ អ្នកមានសិទ្ធិ ទិញកាំភ្លើងពាក់កណ្តាលស្វ័យប្រវត្តិ