Connect with us

ព័ត៌មានអន្ដរជាតិ

ទីប្រឹក្សាសន្តិសុខ អាមេរិក ជួបអ្នកការទូតកំពូល ចិន លើកបញ្ហាធំៗចំនួន ៣ មកពិភាក្សា ជាពិសេសរឿងតៃវ៉ាន់

បានផុស

នៅ

ទីប្រឹក្សាសន្តិសុខជាតិរបស់សហរដ្ឋអាមេរិកបានជួបជាមួយអ្នកការទូតកំពូលរបស់ចិនក្នុងប្រទេសលុចសំបួរកាលពីថ្ងៃចន្ទ និងបានលើកយក​ប្រធាន​បទធំៗចំនួន ៣​ មក​ពិភាក្សារួម​មានបញ្ហានៅ​តៃវ៉ាន់ កូរ៉េ​ខាង​ជើង និង​អ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេតវិមានបានចេញសេចក្តីថ្លែងការណ៍មួយថា ជំនួបរវាងលោក Jake Sullivan និងសមាជិកការិយាល័យនយោបាយបក្សកុម្មុយនិស្តចិនលោក Yang Jiechi រួមមាន “ការពិភាក្សាដោយស្មោះត្រង់ សារៈសំខាន់ និងប្រកបដោយផលិតភាពអំពីបញ្ហាសន្តិសុខក្នុងតំបន់ និងពិភពលោកមួយចំនួន ក៏ដូចជាបញ្ហាសំខាន់ៗក្នុងទំនាក់ទំនងអាមេរិក-ចិនផងដែរ” ។

ទន្ទឹមនោះ លេខាធិការព័ត៌មានសេតវិមានលោកស្រី Karine Jean-Pierre បាននិយាយថា លោក Sullivan បានបង្ហាញយ៉ាងច្បាស់នូវការព្រួយបារម្ភអំពីអាកប្បកិរិយា និងការគាបសង្កត់ ក៏ដូចជាការឈ្លានពានរបស់ចិនលើតៃវ៉ាន់ ។

កាលពីថ្ងៃអាទិត្យរដ្ឋមន្ត្រីការពារជាតិចិនបាននិយាយថា ទីក្រុងប៉េកាំងនឹងតស៊ូប្រយុទ្ធរហូតដល់ទីបញ្ចប់ ប្រសិនបើនរណាម្នាក់ព្យាយាមបំបែកបំបាក់តៃវ៉ាន់ ហើយជាការព្រមានជាក់ស្តែងមួយប្រឆាំងនឹងសហរដ្ឋអាមេរិកដែលកំពុងបង្កើនការជ្រៀតជ្រែករបស់ខ្លួននៅក្នុងទឹកដីតៃវ៉ាន់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ៊ុយក្រែន ថា រុស្ស៊ី អាចអូសបន្លាយសង្គ្រាមរយៈពេល ១ ឆ្នាំទៀត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម