ព័ត៌មានអន្ដរជាតិ
រុស្ស៊ី ថា លោកខាងលិច កំពុងបាញ់បំបែកក្បាលខ្លួនឯង ផ្ទុយស្រឡះពី ចិន
ប្រទេសរុស្ស៊ី បាននិយាយកាលពីថ្ងៃពុធទី១៥ខែមិថុនាថា លោកខាងលិចកំពុងបាញ់បំបែកក្បាលខ្លួនឯង ដោយសារតែការព្យាយាមដាក់កំហិតការនាំចូលថាមពលប្រេងនិងឧស្ម័ន ពីតំបន់ស៊ីបេរី ផ្ទុយស្រឡះទៅនឹងប្រទេសចិន ដែលបានបង្កើនការចែកចាយថាមពល។
សង្រ្គាមនៅអ៊ុយក្រែន និងការប៉ុនប៉ងរបស់បស្ចិមប្រទេស ដើម្បីដាក់រុស្ស៊ីឲ្យនៅឯកោ បានរុញឲ្យតម្លៃគ្រាប់ធញ្ញជាតិ ប្រេងឆា ជី និងថាមពល កើនឡើងយ៉ាងគំហុក ខណៈពេលដែលអឺរ៉ុបបានប្តេជ្ញាកាត់បន្ថយការពឹងផ្អែកលើប្រេង និងឧស្ម័នរបស់រុស្ស៊ី។
អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បាននិយាយថា ភាពជាដៃគូយុទ្ធសាស្ត្ររបស់រុស្ស៊ីជាមួយចិន បានទប់ទល់នឹងការប៉ុនប៉ងរបស់បស្ចិមប្រទេស ក្នុងការសាបព្រួសជម្លោះ ខណៈសហរដ្ឋអាមេរិក និងសម្ព័ន្ធមិត្តអឺរ៉ុបរបស់ខ្លួន បានបំផ្លាញទំនាក់ទំនងរបស់ពួកគេជាមួយទីក្រុងមូស្គូ។
យោងតាមលោកស្រី Zakharova, ធនធានការទូតរបស់រុស្ស៊ី បានបង្វែរទិសដៅរួចទៅហើយពីអឺរ៉ុប សហរដ្ឋអាមេរិក និងកាណាដា ទៅកាន់ទ្វីបអាស៊ី អាហ្វ្រិក និងបណ្តាប្រទេសជាអតីតសហភាពសូវៀត។
លោកស្រី Zakharova បានប្រាប់អ្នកយកព័ត៌មានថា “ការផ្គត់ផ្គង់ថាមពលកំពុងកើនឡើងជាលំដាប់។ ប្រទេសចិន ដឹងពីអ្វីដែលខ្លួនចង់បាន ហើយមិនបាញ់បំបាក់ជើងខ្លួនឯងឡើយ ចំណែកលោកខាងលិច កំពុងបាញ់បំបែកក្បាលខ្លួនឯង។ លោកខាងលិចបានផ្តាច់ខ្លួនចេញពីយើង”។
ស្របពេលជាមួយគ្នានោះដែរ លោកស្រី បានស្តីបន្ទោសសហភាពអឺរ៉ុបថា ជាអ្នករៀបចំផែនការធ្វើអត្តឃាត ដោយព្យាយាមផ្តាច់ខ្លួនចេញពីថាមពលរបស់រុស្ស៊ី ដែលបានផ្គត់ផ្គង់ប្រទេសអាល្លឺម៉ង់ ចាប់តាំងពីសង្រ្គាមត្រជាក់មក។
រុស្ស៊ី គឺជាប្រទេសនាំចេញប្រេងធំលំដាប់ទីពីររបស់ពិភពលោកបន្ទាប់ពីអារ៉ាប៊ីសាអូឌីត និងជាប្រទេសនាំចេញឧស្ម័នធម្មជាតិធំជាងគេលើពិភពលោក៕
ប្រែសម្រួល៖ Vann Vann
ប្រភព៖ CNA
ចុចអាន៖ លោក ស៊ី ប្រាប់លោក ពូទីន ថា ចិននឹងបន្តគាំទ្ររុស្ស៊ី លើ បញ្ហាអធិបតេយ្យភាព និងសន្តិសុខ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ