Connect with us

ព័ត៌មានអន្ដរជាតិ

អ៊ុយក្រែន-រុស្ស៊ី ធ្វើការដោះដូរអ្នកទោសក្នុងទ្រង់ទ្រាយធំបំផុត ចាប់តាំងពីសង្គ្រាម ផ្ទុះឡើង (មានវីដេអូ)

បានផុស

នៅ

ទីភ្នាក់ងារចារកម្មយោធារបស់ប្រទេសអ៊ុយក្រែន និយាយថា អ៊ុយក្រែនបានធ្វើការដោះដូរអ្នកទោសសង្គ្រាមក្នុងទ្រង់ទ្រាយធំបំផុត ចាប់តាំងពីរុស្ស៊ីលុកលុយ ដោយធានាបាននូវការដោះលែងទាហានរបស់ខ្លួនចំនួន ១៤៤ នាក់ រួមទាំងទាហាន ៩៥ នាក់ដែលចូលរួមក្នុងការការពារកម្មករនៅរោងចក្រដែកក្នុងទីក្រុង Mariupol ផងដែរ។

ទីភ្នាក់ងារដែលគេស្គាល់ដោយអក្សរកាត់ GUR បាននិយាយនៅក្នុងសេចក្តីថ្លែងការណ៍មួយ លើ Telegram កាលពីថ្ងៃពុធទី២៩ខែមិថុនាថា អ្នកទោសអ៊ុយក្រែនភាគច្រើនរងរបួសធ្ងន់ ដូចជារបួសដោយគ្រាប់កាំភ្លើងនិងដោយអំបែងគ្រាប់ របួសដោយការផ្ទុះ រលាក បាក់ឆ្អឹង និងអវយវៈត្រូវកាត់ផ្តាច់។

ទីភ្នាក់ងារចារកម្មនិយាយថា “នេះគឺជាការដោះដូរក្នុងទ្រង់ទ្រាយធំបំផុត ចាប់តាំងពីរុស្ស៊ីបើកការលុកលុយពេញទំហឹង”។

ទោះបីជាយ៉ាងណាក៏ដោយ មិនមានការអត្ថាធិប្បាយណាមួយពីខាងភាគីរុស្ស៊ី អំពីការដោះដូរអ្នកទោសនោះទេ។

ប៉ុន្តែ ប្រមុខសាធារណរដ្ឋប្រជាមានិត Donetsk ដែលគាំទ្ររុស្ស៊ីនៅភាគខាងកើតប្រទេសអ៊ុយក្រែនគឺ លោក Denis Pushilin បាននិយាយថា ខ្លួនក៏បានធានាការដោះលែងទាហានចំនួន ១៤៤នាក់ រួមទាំងអ្នកប្រយុទ្ធរបស់ខ្លួន និងទាហានរុស្ស៊ីផងដែរ។

លោក​​និយាយ​ថា​ “យើង​បាន​ប្រគល់​អ្នក​ទោសក្នុងចំនួនដូចគ្នា ទៅឲ្យទី​ក្រុង​កៀវ”។

ស្របពេលជាមួយគ្នានោះ នាយករដ្ឋមន្ត្រីអ៊ុយក្រែនលោក Denys Shmygal បានបញ្ជាក់ពីការដោះដូរនេះនៅលើ Telegram ប៉ុន្តែនិយាយយ៉ាងខ្លីថា ការងារដោះលែងអ្នកទោសមានភាពស្មុគស្មាញ។

គួរបញ្ជាក់ថា ជនជាតិអ៊ុយក្រែនរាប់រយនាក់ទៀត នៅតែត្រូវបានគេគិតថា គ្រប់គ្រងដោយរុស្ស៊ី និងក្រុមផ្តាច់ខ្លួននិយមក្រុងមូស្គូ នៅភាគខាងកើតប្រទេសអ៊ុយក្រែន ប៉ុន្តែទីតាំងច្បាស់លាស់របស់ពួកគេមិនត្រូវបានគេដឹងឡើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖​ Al Jazeera

ចុចអាន៖ រុស្ស៊ី ផ្តល់ចម្លើយជាក់លាក់ ពេលសួរថា តើខ្លួននឹងប្រើប្រាស់នុយក្លេអ៊ែរដែរឬអត់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

លោក ហេង សួរ ចាត់ទុកជ័យលាភីអាហារូបករណ៍ជប៉ុនជាធនធានដ៏មានសក្តានុពលសម្រាប់អភិវឌ្ឍសេដ្ឋកិច្ចនិងសង្គម

ព័ត៌មានជាតិ១១ នាទី មុន

ពិធីចុះបញ្ជីចុះកិច្ចព្រមព្រៀងក្រុមហ៊ុន HONCHEN និងសម្ពោធអគារតាំងបង្ហាញនៃគម្រោង PLATINUM COAST នៅរាជធានីភ្នំពេញ

ព័ត៌មានអន្ដរជាតិ២០ នាទី មុន

ទិដ្ឋភាព ក្រោយអគ្គិភ័យឆាបឆេះព្រះវិហារ ដែលមានមនុស្ស ៥០០០នាក់ កំពុងអធិដ្ឋាន នៅ អេហ្ស៊ីប

ព័ត៌មានអន្ដរជាតិ២៣ នាទី មុន

មីយ៉ាន់ម៉ា ឲ្យគណបក្សនយោបាយទាំងអស់សុំការអនុញ្ញាតជាមុនសិន បើចង់ជួបអង្គការអន្តរជាតិ

សេដ្ឋកិច្ច២៣ នាទី មុន

រដ្ឋមន្ត្រីណែនាំឱ្យកសិដ្ឋាន​ចិញ្ចឹមជ្រូកមួយ​ច្នៃទាញថាមពលពន្លឺព្រះ​អាទិត្យ​ប្រើ​កាត់បន្ថយការ​ចំណាយ​លើអគ្គិសនី

Sokha Hotels

ព័ត៌មានពេញនិយម