Connect with us

ព័ត៌មានអន្ដរជាតិ

ត្រឹមពាក់កណ្ដាលឆ្នាំ ថៃ នាំចេញផ្លែឈើទៅ ចិន រហូតដល់ជាង ១.១៦លានតោន

បានផុស

នៅ

លោក ថាណាកន អ្នកនាំពាក្យរដ្ឋាភិបាលថៃបាននិយាយថា លោកនាយករដ្ឋមន្ត្រី ប្រាយុទ្ធ ចាន់អូចា បានសម្តែងក្តីរីករាយ និងថ្លែងអំណរគុណចំពោះក្រុមការងារដែលពាក់ព័ន្ធក្នុងវិស័យនាំចេញដែលបានធ្វើឱ្យមានការរីកចម្រើនជាវិជ្ជមាន និងអភិវឌ្ឍន៍សមត្ថភាពក្នុងការនាំចេញផលិតផលថៃប្រកបដោយប្រសិទ្ធភាព ដោយបានបង្ហាញឱ្យឃើញតាមរយៈលទ្ធផលជាក់ស្តែង ដែលផ្លែឈើថៃនាំចេញទៅកាន់ប្រទេសចិនរហូតដល់ជាង ១.១៦លានតោន។
លោក ប្រាយុទ្ធ ចាន់អូចា បានលើកឡើងថា លោកបានផ្តល់សារៈសំខាន់និងការគ្រប់គ្រងគោលនយោបាយបញ្ជាទិញលើវិស័យនាំចេញរបស់ប្រទេសថៃ រហូតដល់មានការអភិវឌ្ឍជាវិជ្ជមានជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើផ្អែកតាមទិន្នន័យរបស់ក្រសួងពាណិជ្ជកម្ម តួលេខក្នុងរយៈពេល ៦ខែដើមឆ្នាំនេះ (ខែមករា ដល់ខែមិថុនា ឆ្នាំ២០២២) ការនាំចេញរបស់ថៃមានតម្លៃសរុប ១៤៩,១៨៤.៨លានដុល្លារអាមេរិក កើនឡើង១២,៧% ស្មើនឹង៣ដងសម្រាប់ទិសដៅនាំចេញពេញមួយឆ្នាំដែលបានគ្រោងទុក ៤-៥% ដោយការនាំចេញកសិផលកសិកម្ម-ឧស្សាហកម្ម គឺជាកត្តារួមចំណែកយ៉ាងសំខាន់ដល់កំណើននៃការនាំចេញក្នុងខែមិថុនា ដែលមានតម្លៃ ២៦,៥៥៣.១លានដុល្លារអាមេរិក កើនឡើង១១,៩% បើធៀបនឹងរយៈពេលដូចគ្នាកាលពីឆ្នាំមុន។

សម្រាប់ការនាំចេញផ្លែឈើរបស់ថៃ ជាពិសេសការនាំចេញទៅកាន់ប្រទេសចិន នាយកដ្ឋានកសិកម្មបានបង្ហាញពីការនាំចេញជាង ១លានតោនចំពោះផ្លែឈើស្រស់របស់ថៃដែលនាំចេញទៅកាន់ប្រទេសចិនក្នុងឆមាសទីមួយនៃឆ្នាំនេះ ពោលគឺស្មើនឹង ១.១៦លានតោន គិតជាទឹកប្រាក់ជាង ៩២ពាន់លានបាត ដែលក្នុងនោះទុរេនថៃបាននាំចេញជាង ៦៧ម៉ឺនតោន គិតជាទឹកប្រាក់ជាង ៧២ពាន់លានបាត។ ដោយសារការមានទំនុកចិត្តលើគុណភាព រសជាតិ និងតម្លៃកសិផលថៃដល់អ្នកប្រើប្រាស់ចិន បានជួយនិងសម្រួលដល់សហគ្រិនដែលនាំចេញផ្លែឈើស្រស់របស់ថៃទៅប្រទេសចិនបានកាន់តែប្រសើរ។ បច្ចុប្បន្នការនាំចេញផ្លែឈើថៃទៅកាន់ប្រទេសចិនជាប់ចំណាត់ថ្នាក់លេខ១៕

ប្រែសម្រួល៖ គង់ សំអូន

ប្រភព៖ naewna

ចុចអាន៖ រកឃើញបុរសជនជាតិថៃឆ្លងជំងឺអុតស្វាមានដំបៅនៅលើប្រដាប់ភេទ បន្ទាប់ពីរួមភេទរយៈ ៧ថ្ងៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម