ព័ត៌មានអន្ដរជាតិ
លោក ត្រាំ ប្តឹងក្រសួងយុត្តិធម៌អាមេរិក ពាក់ព័ន្ធការឆែកឆេរនៅ Mar-a-Lago (មានវីដេអូ)
អតីតប្រធានាធិបតីអាមេរិក លោក ដូណាល់ ត្រាំ បានស្នើឲ្យចៅក្រម ផ្អាកការស៊ើបអង្កេតរបស់ក្រសួងយុត្តិធម៌ លើឯកសារដែល FBI រឹបអូសបានពីផ្ទះរបស់លោក។
នៅក្នុងពាក្យបណ្តឹងមួយ ក្រុមមេធាវីរបស់លោក ត្រាំ បានស្នើសុំឲ្យមានការតែងតាំងមេធាវីឯករាជ្យមួយរូប ដើម្បីត្រួតពិនិត្យឯកសារ ដែលភ្នាក់ងារ FBI យកបានពីលំនៅដ្ឋាន Mar-a-Lago ក្នុងរដ្ឋ Florida។
យោងតាម FBI, សំណុំឯកសារចំនួន១១ ត្រូវបានរឹបអូសពីលំនៅដ្ឋានរបស់លោក ត្រាំ កាលពីថ្ងៃទី៨ខែសីហា។ លោក ត្រាំ កំពុងត្រូវគេស៊ើបអង្កេត សម្រាប់ការកាន់កាប់ឯកសារសំខាន់។
កាលពីថ្ងៃចន្ទ មេធាវីរបស់លោក បានស្នើសុំឲ្យតែងតាំងមេធាវីភាគីទីបី ឬត្រូវបានគេស្គាល់ថាជា “មេធាវីពិសេស” ដើម្បីកំណត់ថាតើឯកសារដែលរឹបអូស ត្រូវបានការពារដោយសិទ្ធិប្រតិបត្តិ ដែលអនុញ្ញាតឲ្យប្រធានាធិបតី រារាំងការបញ្ចេញឯកសារជាសាធារណៈ ដែរឬក៏អត់។
ពាក្យបណ្តឹងកម្រាស់២៧ទំព័របានបញ្ជាក់ថា “វាមិនសមហេតុផលទាល់តែសោះ ក្នុងការអនុញ្ញាតឲ្យក្រុមរដ្ឋអាជ្ញា ត្រួតពិនិត្យឯកសារដោយគ្មានការការពារប្រកបដោយអត្ថន័យ។ មានតែការត្រួតពិនិត្យអព្យាក្រឹតដោយមេធាវីពិសេសប៉ុណ្ណោះ ដែលអាចការពារផលប្រយោជន៍សាធារណៈដ៏អស្ចារ្យ ក្នុងការថែរក្សាការសម្ងាត់នៃកិច្ចសន្ទនា ដែលបានកើតឡើងនៅក្នុងការអនុវត្តភារកិច្ចផ្លូវការរបស់ប្រធានាធិបតី”។
ស្របពេលជាមួយគ្នានោះ ក្រសួងយុត្តិធម៌បាននិយាយនៅក្នុងសេចក្តីថ្លែងការណ៍ខ្លីមួយថា រដ្ឋអាជ្ញាបានដឹងពីបណ្តឹងរបស់លោក ត្រាំ ហើយនឹងឆ្លើយតបនៅក្នុងតុលាការ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ លោក ត្រាំ ហៅភ្នាក់ងារ FBI ដែលវាយឆ្មក់ផ្ទះរបស់គាត់ថាជា “ឧក្រិដ្ឋជន”
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង