ព័ត៌មានអន្ដរជាតិ
អ៊ីរ៉ង់ ថា លោក Biden និង Trump គ្មានអ្វីខុសគ្នាទេ
មេដឹកនាំអ៊ីរ៉ង់លោក Ebrahim Raisi មិនជឿថា កិច្ចសន្ទនាទល់មុខជាមួយប្រធានាធិបតីអាមេរិក Joe Biden នៅខាងក្រៅមហាសន្និបាតអង្គការសហប្រជាជាតិ (UNGA) ក្នុងទីក្រុងញូវយ៉ក នឹងមានអត្ថប្រយោជន៍ណាមួយដល់ប្រទេសរបស់គាត់ ឬអាចជួយស្តារកិច្ចព្រមព្រៀងនុយក្លេអ៊ែរឆ្នាំ ២០១៥ ឡើងវិញនោះទេ។
លោក Raisi បានប្រាប់អ្នកយកព័ត៌មាន CBS លោកស្រី Lesley Stahl ក្នុងបទសម្ភាសន៍រយៈពេល ៦០ នាទី ដែលចាក់ផ្សាយនៅថ្ងៃអាទិត្យទី១៨ខែកញ្ញានេះថា “ខ្ញុំមិនគិតថាជំនួបបែបនេះនឹងកើតឡើងនោះទេ។ ខ្ញុំមិនជឿថា ការជួបគ្នាឬការជជែកជាមួយគាត់នឹងមានប្រយោជន៍ឡើយ”។
ទាំងលោក Raisi និង Biden គ្រោងនឹងថ្លែងទៅកាន់ UNGA នៅសប្តាហ៍ក្រោយ ប៉ុន្តែជំនួបរវាងមេដឹកនាំទាំងពីរ មិនមែនជារបៀបវារៈផ្លូវការនោះទេ។
នៅពេលសួរថាតើគាត់អាចមើលឃើញភាពខុសគ្នារវាងរដ្ឋបាលលោក Biden និងប្រធានាធិបតីមុនរបស់លោក Donald Trump ដែរឬទេ? លោក Raisi បានកត់សម្គាល់ថា តាមទស្សនៈរបស់ទីក្រុងតេហេរ៉ង់ មិនមានអ្វីខុសគ្នាទេ ជាពិសេសទាក់ទងនឹងកិច្ចព្រមព្រៀងនុយក្លេអ៊ែរ JCPOA។
មេដឹកនាំអ៊ីរ៉ង់និយាយថា “រដ្ឋបាលថ្មីរបស់សហរដ្ឋអាមេរិក, ពួកគេអះអាងថា ពួកគេខុសពីរដ្ឋបាលរបស់លោក Trump ប៉ុន្តែតាមការពិត យើងមិនបានឃើញការផ្លាស់ប្តូរណាមួយឡើយ”។
កិច្ចព្រមព្រៀងនុយក្លេអ៊ែរដំបូង ដែលចុះហត្ថលេខាក្នុងឆ្នាំ ២០១៥ ដោយអ៊ីរ៉ង់ សហរដ្ឋអាមេរិក ចក្រភពអង់គ្លេស បារាំង និងអាល្លឺម៉ង់ ក៏ដូចជារុស្ស៊ី ចិន និងសហភាពអឺរ៉ុប បាននាំឲ្យទីក្រុងតេហេរ៉ង់ យល់ព្រមចំពោះការរឹតបន្តឹងមួយចំនួនលើឧស្សាហកម្មនុយក្លេអ៊ែររបស់ខ្លួន ជាថ្នូរនឹងការបន្ធូរបន្ថយទណ្ឌកម្មសេដ្ឋកិច្ច និង ការលើកទឹកចិត្តផ្សេងទៀត។
ទោះបីជាយ៉ាងណាក៏ដោយ នៅឆ្នាំ ២០១៨ កិច្ចព្រមព្រៀងនេះត្រូវបានបំផ្លាញដោយសហរដ្ឋអាមេរិក ក្រោមការដឹកនាំរបស់អតីតប្រធានាធិបតី Donald Trump ដែលបានដកខ្លួនចេញជាឯកតោភាគី ដោយនិយាយថា វាមានកំហុសជាមូលដ្ឋាន ហើយបានដាក់ទណ្ឌកម្មឡើងវិញលើទីក្រុង តេហេរ៉ង់។ ជាលទ្ធផល អ៊ីរ៉ង់ ចាប់ផ្តើមកាត់បន្ថយបន្តិចម្តងៗនូវការប្តេជ្ញាចិត្តរបស់ខ្លួនក្រោមកិច្ចព្រមព្រៀងនេះ។
ទោះបីជាមានការសន្យាថានឹងធ្វើឲ្យកិច្ចព្រមព្រៀងនេះរស់ឡើងវិញ ក្នុងអំឡុងយុទ្ធនាការឃោសនាបោះឆ្នោតក៏ដោយ ប៉ុន្តែលោក Biden មិនបានធ្វើឲ្យមានការរីកចម្រើនលើបញ្ហានេះទេ៕
ប្រែសម្រួល៖ Vann Vann
ប្រភព៖ RT
ចុចអាន៖ អ៊ីរ៉ង់ គំរាម កម្ទេច អ៊ីស្រាអែល បើហ៊ានវាយប្រហារ កម្មវិធី នុយក្លេអ៊ែរ របស់ខ្លួន
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន