យន្តហោះ​ចម្បាំង​រុ​ស្ស៊ី​ ធ្លាក់លើផ្ទះប្រជាជន នៅតំបន់ ស៊ីបេរី

អាជ្ញាធរក្នុងតំបន់បាននិយាយថា យន្តហោះយោធារុស្ស៊ីមួយគ្រឿង បានធ្លាក់ចូលទៅក្នុងតំបន់លំនៅដ្ឋានមួយកន្លែងនៅភាគខាងត្បូងតំបន់ ស៊ីបេរី។

យន្តហោះចម្បាំង Sukhoi Su-30 បានធ្លាក់លើផ្ទះកម្ពស់ពីរជាន់ ក្នុងទីក្រុង Irkutsk។

អភិបាលតំបន់ Igor Kobzev បានបង្ហោះសារនៅលើ Telegram ថា គាត់បានទៅដល់​កន្លែង​កើត​ហេតុ ហើយ​អ្នក​បើក​យន្តហោះ​ទាំង​ពីរ​នាក់​បានបាត់បង់ជីវិត ប៉ុន្តែ​គ្មានពលរដ្ឋ​ណា​ម្នាក់​រង​របួស​នោះ​ទេ។

យោងតាមក្រសួងស្ថានការណ៍គ្រាអាសន្នរបស់រុស្ស៊ី, យន្តហោះនេះ កំពុងធ្វើការហោះហើរសាកល្បងនៅពេលធ្លាក់។

គណៈកម្មាធិការស៊ើបអង្កេតរដ្ឋរបស់រុស្ស៊ីបាននិយាយថា ខ្លួនកំពុងបើកការស៊ើបអង្កេតទៅលើការរំលោភច្បាប់សុវត្ថិភាពអាកាស។

គួរបញ្ជាក់ថា នេះគឺ​ជា​ឧបទ្ទវហេតុធ្លាក់យន្តហោះ​លើក​ទី​២​ហើយ ​ក្នុង​រយៈពេល​ត្រឹម៦​ថ្ងៃ​។

កាលពីថ្ងៃចន្ទសប្តាហ៍មុន យន្តហោះយោធា Sukhoi Su-34 បានធ្លាក់ចូលទៅក្នុងប្លុកផ្ទះល្វែងមួយនៅទីក្រុង Yeysk ជិតប្រទេសអ៊ុយក្រែន ដោយបានសម្លាប់មនុស្សយ៉ាងតិច ១៥នាក់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ យន្តហោះចម្បាំងរុស្ស៊ី ធ្លាក់ចូលអគារលំនៅដ្ឋាន ផ្ទុះឆេះ ស្លាប់និងរបួសមនុស្ស ជិត ៣០នាក់