Connect with us

ព័ត៌មានអន្ដរជាតិ

ហុងកុង ចាប់បានសកម្មភាពលាងលុយខ្មៅជាង ៤៤៦ លានដុល្លារ

បានផុស

នៅ

អាជ្ញាធរហុងកុងបានបញ្ជាក់នៅថ្ងៃពុធនេះថា សមត្ថកិច្ចបានចាប់ខ្លួនបុរស ២ នាក់ទាក់ទងនឹងសកម្មភាពលាងលុយខ្មៅប្រមាណ ៤៤៦ លានដុល្លារអាមេរិក ដែលជាករណីលាងលុយខ្មៅដ៏ធំមួយនៅទីក្រុងមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពលាងលុយខ្មៅនេះ ធ្វើឡើងក្រោមរូបភាពលក់លោហៈដ៏មានតម្លៃ ទម្ងន់ប្រហែល ៨ តោដែលភាគច្រើនជាមាស និងលោហៈប៉ាឡាដ្យូម ចន្លោះឆ្នាំ ២០២០ និង ២០២១ ។

ទន្ទឹមនោះ មន្ត្រីគយលោកស្រី Rita Li ថ្លែងឲ្យដឹងថា លោហៈធាតុមានតម្លៃទាំងនេះ គឹមានការទិញ និងលក់ដោយជនអនាមិកនៅក្នុងទីក្រុងហុងកុង ហើយក៏មានភាពទាក់ទាញខ្លាំងណាស់ដែរសម្រាប់ឧក្រិដ្ឋជន ដោយសារតែតម្លៃខ្ពស់ ទំហំតូច និងងាយស្រួលក្នុងការដឹកជញ្ជូន ។

តាមរយៈការលាងលុយនេះ បុរសទាំងពីរនាក់បានប្រើប្រាស់គណនីក្រុមហ៊ុនដើម្បីទទួលបានប្រាក់យ៉ាងច្រើនពីក្រុមហ៊ុនពាណិជ្ជកម្មលោហៈដ៏មានតម្លៃ និងហាងលក់គ្រឿងអលង្ការផ្សេងៗ រួចធ្វើការផ្ទេរលុយភ្លាមៗទៅកាន់ក្រុមហ៊ុន ឬគណនីនៅបរទេស ។

ស្របពេលជាមួយគ្នានេះ អាជ្ញាធរក្រុងហុងកុងកំពុងស៊ើបអង្កេតប្រភពដើមនៃលោហៈដ៏មានតម្លៃនេះ ហើយនឹងមិនបដិសេធឡើយ ចំពោះការចាប់ខ្លួនបន្ថែមទៀត ។

គួរឲ្យដឹងថា កាលពីខែមុន អាជ្ញាធរទីក្រុងហុងកុងក៏បានចាប់ខ្លួនសមាជិកក្រុមឧក្រិដ្ឋជនចំនួន ៤ នាក់ផងដែរពីបទលាងលុយចំនួន ៥២ លានដុល្លារក្នុងរយៈពេល ២ ឆ្នាំ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ពាណិជ្ជកម្មអន្តរជាតិ ចិន កើន ៤.៧៥ ទ្រីលានដុល្លារក្នុង ៣ ត្រីមាសឆ្នាំនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម