ព័ត៌មានអន្ដរជាតិ
វាយប្រហារសម្លាប់អ្នកភូមិ១០០នាក់នៅប្រទេស នីហ្សេរ
មនុស្សមួយរយនាក់ត្រូវបានសម្លាប់កាលពីថ្ងៃសៅរ៍ក្នុងការវាយប្រហារទៅលើភូមិចំនួន២នៅភាគខាងលិចប្រទេសនីហ្សេរ។ នេះបើតាមការឲ្យដឹងពីលោកនាយករដ្ឋមន្ត្រី Brigi Rafini។
លោក Rafini បានប្រកាសពីចំនួនអ្នកស្លាប់នៅក្នុងសុន្ទរកថាដែលត្រូវបានចាក់ផ្សាយតាមកញ្ចក់ទូរទស្សន៍ជាតិកាលពីថ្ងៃអាទិត្យ។ លោកបានថ្លែងបែបនេះខណៈលោកចុះទៅកន្លែងកើតហេតុផ្ទាល់ដែលស្ថិតនៅជិតព្រំដែនប្រទេសម៉ាលី។
ទោះបីជាយ៉ាងណាក៏ដោយ លោកមិនបានបញ្ជាក់ថាអ្នកណាជាអ្នកទទួលខុសត្រូវនោះទេ។
ប្រភពសន្តិសុខបាននិយាយកាលពីថ្ងៃសៅរ៍ថា ជនស៊ីវិលយ៉ាងតិច៧០នាក់ត្រូវបានសម្លាប់នៅក្នុងការវាយឆ្មក់ដំណាលគ្នាដោយពួកសកម្មប្រយុទ្ធឥស្លាមនិយមលើភូមិ Tchombangou និង Zaroumdareye។
ប្រទេសនីហ្សេរបានទទួលរងការវាយប្រហារម្តងហើយម្តងទៀតពីសំណាក់ពួកសកម្មប្រយុទ្ធដែលមានទំនាក់ទំនងជាមួយក្រុមអាល់កៃដានិងរដ្ឋឥស្លាមនៅជិតព្រំដែនរបស់ខ្លួនជាមួយប្រទេសម៉ាលីនិងប៊ូគីណាហ្វាសូ។
ប្រទេសនីហ្សេរក៏បានជួបប្រទះការសម្លាប់គ្នាសងសឹករវាងសហគមន៍ជនជាតិភាគតិចជាគូប្រជែងដែលបង្កឡើងដោយអំពើហិង្សាជីហាដនិងការប្រកួតប្រជែងសម្រាប់ធនធានផងដែរ។
ការវាយប្រហារកាលពីថ្ងៃសៅរ៍បានកើតឡើងចំថ្ងៃគណៈកម្មការរៀបចំការបោះឆ្នោតបានប្រកាសលទ្ធផលជុំទី១នៃការបោះឆ្នោតដើម្បីជំនួសលោកប្រធានាធិបតី Mahamadou Issoufou ដែលចុះចេញពីតំណែងក្រោយកាន់អំណាចបានមួយទសវត្សរ៍៕
ប្រែសម្រួលដោយ៖ Vann Vann
ប្រភព៖ Reuters
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ