ព័ត៌មានអន្ដរជាតិ

លោក Biden ថា ជម្លោះ អ៊ុយក្រែន គ្មានទីបញ្ចប់ឡើយ បើ រុស្ស៊ី មិនដកទ័ពចេញ

បានផុស

៤ years មុន

នៅ

ថ្ងៃសុក្រ ១១ វិច្ឆិកា ២០២២

ដោយ

ប្រធានាធិបតីអាមេរិកលោក Joe Biden បានប្រាប់អ្នកយកព័ត៌មាននៅសេតវិមានថា ជម្លោះរវាងរុស្ស៊ី និងអ៊ុយក្រែន នឹងមិនត្រូវបានដោះស្រាយ និងគ្មានទីបញ្ចប់នោះទេ ដរាបណា លោក Vladimir Putin មិនព្រមដកកងទ័ពចេញពីអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការថ្លែងបែបនេះរបស់លោកប្រធានាធិបតី Joe Biden ធ្វើឡើង បន្ទាប់ពីការដកទ័ពរុស្ស៊ីចេញពីទឹកដីអ៊ុយក្រែននៅច្រាំងទន្លេ Dnipro ។

ចំពោះលោកប្រធានាធិបតីអ៊ុយក្រែន Volodymyr Zelensky វិញនៅតែប្រកាន់ជំហរលើជម្រើសមិនចូលរួមតុចរចានៃការដោះស្រាយជាមួយក្រុងមូស្គូតាមបែបនយោបាយឡើយ ដរាបណា លោក Putin នៅតែជាប្រធានាធិបតីរុស្ស៊ី ។

ដោយឡែក លោក Putin ក៏ធ្លាប់ថ្លែងបើកឱកាសជាច្រើនដងផងដែរសម្រាប់ការចរចាសន្តិភាពជាមួយអ៊ុយក្រែន ហើយថែមទាំងឲ្យ អាមេរិក គួរតែលើកទឹកចិត្តអ៊ុយក្រែន សម្រាប់ការចូលរួមក្នុងការចរចាស្វែងរកដំណោះស្រាយដ៏ប្រសើរមួយ ៕

ប្រែសម្រួលដោយ ៖ នាង រតនៈ

ប្រភព ៖ Sputnik

ចុចអាន ៖ អាមេរិក ផ្តល់ជំនួយយោធា ៤០០ លានដុល្លារ បន្ថែមទៀតដល់ អ៊ុយក្រែន