ទីបំផុត រកឃើញមូលហេតុការធ្លាក់យន្តហោះម៉ាឡេស៊ី MH17 ស្លាប់មនុស្ស ២៩៨ នាក់កាលពីឆ្នាំ ២០១៤

តុលាការប្រទេសហូឡង់បានរកឃើញថា ការធ្លាក់យន្តហោះម៉ាឡេស៊ី MH17 ដែលបានសម្លាប់មនុស្ស ២៩៨ នាក់កាលពីឆ្នាំ ២០១៤ គឺដោយសារតែការបាញ់មីស៊ីលផលិតដោយប្រទេសរុស្ស៊ី ចេញពីវាលមួយកន្លែងនៅភាគខាងកើតប្រទេសអ៊ុយក្រែន ។

ទន្ទឹមនោះ ប្រធានចៅក្រមលោក Hendrik Steenhuis នៅថ្ងៃព្រហស្បតិ៍នេះក៏បានរកឃើញអ្នកជាប់ពាក់ព័ន្ធករណីនេះចំនួន ៤ នាក់ផងដែរ ប៉ុន្តែការកាត់ទោសពីបទមនុស្សឃាតគឺមានតែ ៣ នាក់ប៉ុណ្ណោះ ។

បុរស ៣ នាក់ដែលត្រូវបានកាត់ទោសនោះ គឺជាអតីតភ្នាក់ងារចារកម្មរុស្ស៊ីឈ្មោះ Igor Girkin និង Sergey Dubinskiy ហើយម្នាក់ទៀតឈ្មោះ Leonid Kharchenko ជាមេដឹកនាំផ្តាច់ខ្លួនអ៊ុយក្រែន ខណៈអ្នកទី ៤ ឈ្មោះ Oleg Pulatov ដែលជាជនជាតិរុស្ស៊ី ត្រូវបានដោះលែង ។

គួរបញ្ជាក់ថា យន្តហោះ MH17 គឺជាជើងហោះហើរដឹកអ្នកដំណើររបស់ម៉ាឡេស៊ី ហើយត្រូវបានបាញ់ទម្លាក់ដោយមីស៊ីល BUK នៅក្បែរតំបន់ Pervomaisk ភាគខាងកើតអ៊ុយក្រែន កាលពីថ្ងៃទី ១៧ ខែកក្កដា ឆ្នាំ ២០១៤ ដោយបានសម្លាប់អ្នកដំណើរចំនួន ២៨៣ នាក់ និងនាវិក ១៥ នាក់ សរុប ២៩៨ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Reuters