ព័ត៌មានអន្ដរជាតិ
អាមេរិក បន្ថយទណ្ឌកម្មប្រេងលើ វេណេស៊ុយអេឡា តែប្រាក់ចំណេញពីការលក់មិនអាចចែកគ្នាឡើយ
សហរដ្ឋអាមេរិកបានប្រកាសបន្ថូរបន្ថយទណ្ឌកម្មលើប្រទេសវេណេស៊ុយអេឡា និងអនុញ្ញាតឲ្យក្រុមហ៊ុនប្រេងយក្សរបស់ខ្លួន Chevron បន្តការទាញយកធនធានធម្មជាតិនៅប្រទេសនេះឡើងវិញផងដែរ ។
ទីក្រុងវ៉ាស៊ីនតោនបានធ្វើសេចក្តីប្រកាសបែបនេះកាលពីចុងសប្ដាហ៍ បន្ទាប់ពីរដ្ឋបាលរបស់លោកប្រធានាធិបតីវេណេស៊ុយអេឡា Nicolas Maduro និងក្រុមប្រឆាំងដែលគាំទ្រដោយសហរដ្ឋអាមេរិក បានចាប់ផ្តើមកិច្ចចរចាឡើងវិញជាលើកដំបូងក្នុងរយៈពេលប្រហែល ១ ឆ្នាំ ។
មន្ត្រីអាមេរិកនិយាយថា ការអនុញ្ញាតនេះមានប្រសិទ្ធភាពរយៈពេល ៦ ខែ ហើយរដ្ឋបាលលោក Maduro នឹងមិនទទួលបានប្រាក់ចំណេញណាមួយពីការលក់ប្រេងដោយក្រុមហ៊ុន Chevron ឡើយ ។
ទន្ទឹមនោះ មន្ត្រីរដ្ឋបាលជាន់ខ្ពស់របស់សហរដ្ឋអាមេរិកបាននិយាយដែរថា ផែនការនេះមិនមែនជាប្រតិកម្មចំពោះតម្លៃថាមពលពិភពលោកឡើងខ្ពស់ ដោយសារតែសង្គ្រាមលុកលុយរបស់រុស្ស៊ីលើអ៊ុយក្រែននោះទេ ពោលជាមធ្យោបាយលើកទឹកចិត្តដល់ការចរចារវាងភាគីទាំងពីរ ប៉ុន្តែសហរដ្ឋអាមេរិកនៅតែរក្សាសិទ្ធិក្នុងការដាក់ទណ្ឌកម្មតឹងរ៉ឹងឡើងវិញ អាស្រ័យលើរបៀបដែលកិច្ចពិភាក្សាដំណើរការ ។
គួរបញ្ជាក់ថា រដ្ឋាភិបាលក្រុងវ៉ាស៊ីនតោន បានដាក់ទណ្ឌកម្មលើវេណេស៊ុយអេឡា បន្ទាប់ពីលោក Maduro បានប្រកាសនៅឆ្នាំ ២០១៩ ថា រដ្ឋាភិបាលរបស់លោកកំពុងកាត់ផ្តាច់ទំនាក់ទំនងជាមួយអាមេរិក ដោយសារតែវេណេស៊ុយអេឡា មានកន្លែងស្តុកប្រេងដ៏ធំបំផុតមួយរបស់ពិភពលោក ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិក កំពុងភ័យខ្វះអាវុធឲ្យ តៃវ៉ាន់ ក្រោយសម្រុកផ្ដល់ទៅ អ៊ុយក្រែន
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន